Svrabín koqkvm pè Pope Leo XIV taqkèní mvjàn bønwe Myanmar móngdàn nvng Ukraine, Holyland móngdàn rì dvpvt vjúrøt dvbangā we

Pope Leo XIV taqkèní Myanmar móngdàn taq bønwe móngdàn mvjàn rvt dvshà mvhøt lvm vhømò vsvngrì nvng lvpat rì zíshì vduwe móng vsvngrì dvpvt vtang kèní nø yòl, nøt bùm we dang vtàn bøà wegø íe.

Pope Leo XIV nø wedø íwe mvjàn shìwvt rì cvn cvn zøm lvm dvpvt, mòngzøl we tvrà svng vrang dvzaqshì lvm dang mònggvn móngdàn rì mvr taq vrìngò wegø íe.

We dø shìwvt vkøn we mònggvn móngdàn rì dvpvt Pope Leo XIV í vjúrøt dvbangā we dang scng gø dvkám ráà we íe.

Mònggvn móngdàn rìò øpshøl we gvmzørì shvngbe mvdàmø gø zitnø, rvwvl nøtrì Gvrayí la vtá:nā daqò wanø vjúrøt dvbangā we íe.