Poland móngdàn kèní Alu àngkàng tiqgøí Pope Leo XIV kaq svng Arabian Gømrà múng tiqgo gømpaq zíò we

Alu àngkàngrì mvme gøí Pope Leo XIV kaq svng mùngwe Modo, Motorbike rì kømpaq zúshìwe gvzà vlwe taq yaboq nø mùngwe gømrà tiqgo svng vtoshì lún bøà. Proton tøshìwe Arabian dvcì svng Poland móngdàn Kołobrzeg-Budzistowomvrìng kèní Michalski Stud Sunò døngkupè Andrzej Michalski taqkèní Pope Leo XIV kaq svng October 15 ni taq gømpaq zúshì bøì we íe.

Peru móngdàn vdòngø gømrà zúnshì nø dvbùshvng zaqlè kumwe Pope Leo XIV ò hang svng yvngbøà mèpvng Arabian gømrà tiqgo gømpaq zúshì lvm shvrúng nøtløm nøt zvngshì ráì nø Svrabín koqkvm ò gónggwá Cassock nvng mvrshvm vbóng we mùngwe gømrà svng gømpaq svng alu zíbøà wanø Mr. Michaelski taqkèní Vatican shvngkà svng shøn vtàn bøà we íe. Pope Leo XIV nø Peru móngdàn vdòng gømrà zúnshì nø dvbùshvng zaqlè wàng vriq nø bvnlì wawe 3 nøng vl ráì wanø shálún shìe. Photo Crd_Vatican web #RVARawang #PopeLeoXIV #VaticanNews