Shvngømré vsvngrì shvngbe Sasvna lvbán ni taq shvngbe kømngøm lvm Pope Leo XIV taqkèní dvkám we
World Mission Day svng October shvlá 2 lvbán wawe lvbán ni taq nøng vràm wáshì we íe. Yanøng taq nø October 19 ni taq wá vdu longwe svng shvdøm we íe. Ya ni taq mònggvn móngdàn vrvm taq vlwe dvbùshvng bvnlì wa vsvngrì, Sasvna bvnlì taq dvzøm dvzaqshì we vsvngrì dvpvt køqzøl rà tiqni íwe taq shvngbe vzømì nø vjúrøt lvm wàì wanø vrìng wegø íe.
World Mission Sunday October 19 ni taq shvngømré vdòng dvbùshvng bvnlì wa vsvngrì Sasvna bvnlì taq ripwe vsvngrì shvngbe dvpvt mvtaq mònggvnò paqzí dang mòngzøl lvm tvrà rì dvpvt tubúm dvbangā lvm nvng, vjúrøt dvbangā lvm wàì wanø cømpa hang shvngkà kèní tvnùng bøà.
October shvlá nø Catholic shvngømré vdòng Rosary rø vjúrøt shàì we shvlá íwe dø tiq dvchá téwa gø vjúrøt dvbangā lvm wàì wanø vrìng bøà we íe.
News- Vatican News
www.youtube.com/@rvarawang
rvarawang#VaticanNews#PopeLeoXIV
