Pø̀hvp nvngshìrà
Mt 6:19-23
Dèniò Gvray dvbùshvng mòngkà taqnø Pø̀hvp nvngshìrà we dang tálúnshì we íe. Yesu Kristu taqkèní dèkv́m ráshàwe Mǿn nvng shv̀mri:lí á:mò nø, vkǿ gø zv́ngshì nø kǿv́ma:tnò we rvgaq tø̀mø, vdè dvpvt pø̀hvp mègvlshinø̀ngni welòng tvle mǿ:ní gø, shv̀mri:lí gø màá:mò nø̀, vkǿ gø zv́ngshì nø kǿ mvlú:nò we muqlàng taqlap yv́ngø lè namaq vdè dvpvt pø̀hvp ègvlshìnø̀ng wanø̀ dèniò mòngkà taqkèní shvdǿm we íe.
Vránø nvpni wawe tuqrawe rvtø̀ svng nà, ngà nøngmaq shvngbeí kadø írawe svng shálú:nì we mǿí, welòng nø Gvray àng nvng wa singnø àngí rvmøò we svng síngshá ràwe íe. Paqzí vdè Liudostine shø̀n yv̀:ngìwe taq vdè lvpat tvrà taq vchvk vtang nvng vpǿ vtang zǿmdv̀ng we rvtø̀ nø chvpdvpò rvtø̀ ni íwe svng vná mvdaq wae.
Wervtnø̀ nøngmaq shvngbe nø Gvrayí èzí ráshàwe nøngmaqí vtoshì lú:nì we rvtø̀ cètaq kadvgvp gø màgvyaqshì, màmvng longwe muqlàng pø̀hvp svng nv́ng dvzaq shì ràì we íe. Rvgaq mvdàm taq cúnshàì we rvtø̀ mvdøng mvman we mvpnøtrì, ngànshàpèò dvløt gvzàm we tvrà, nøt laqyà rì vdè lvpat taq màto lv́m dvzaqshì ràìe.
Wervtnø dølòng vdòng svng gáwe svmigwìng èzí bǿshàwe Gvray àng yv́ng svng tvpní shàì nø shv̀nshér pvlàcè krúlshì we shagóng, shv̀nshér we lvpat tvrà bǿnlún lv́m nvng muqlàng móngdàn pø̀hvp svng ládvzaq shì laqlúnì.
