Tìløp Yohan gà:lò we
Luka 1:57-66
Christu vdòng taq shóngshø̀ngwe pè, mè vnvm, vchvng maq dèniò Gvray dvbùshvng mòngkà taq Tìløp Yohan gà:lò we dang svng tálúnì we íe. Shvngø̀mré vdòng taq vchvk we shøq bóy àngni 3 bóy wáshì we íe. Werì nø Yesu Kristuò shøq Bóy Christmas bóy, Mariò shøq bóy àngni nvng Tìløp Yohanò shøqbóy àngni rì íe.
Tìløp Yohanò àngpè ní àngmè nø Zahkari nvng Elizabet ní ínø̀ àngní nø svrǿng ráì wervt àngcǿ àngcè shvzvt mvlún dǿm dungku tiqlòng íe. (Lk 1:5-25) taq muqlàng dvzv́r nø Zakari svng shvngkà dvtá vtnà nø àngchø̀m mè Elizabet nø cv̀mré góng ílú:ngì nø cv̀mré vbun daqò nø̀ àng pø̀ng svng Yohan wa tǿ ràwe dang dvtáòe.
Yohan àngnø àngmè puqwá vdòng kèní ni shv̀nshér pvlàcèò ìshøt dv̀nzø̀ng we ínø̀ Yesu tuq ralongwe tvrà svng dvgǿā lv́m tuqráì pègø íe. Ínìgø Zakaria àngò kámnøt kù:ngà vnǿn we tvrà rvt àngnø Yohan shøqbǿà we rvtø̀ høqshaq kà shǿn màshvla nø mvá tiqgǿ dø v́l vdu yv̀:ngì.
Cv̀mrépè vbun bǿà nø bø̀ng kadø tǿlv́m íwe dang vzø̀ng we rvtø̀ taq Zakariá nø rushvp tiqgø̀m taq Yohan wanø tǿlv́m íe wa vruò nø vtàn yv̀:ngà. Wechvng Zakaria nø àng nònggøp áshii nø ang pvle gø vpǿn lú:ngì nø Gvray kaq shvring shvtàòe wanø̀ vru yv̀:ngà. Wedø shvngømré taqkèní Tìløp Yohanò bóy àngni svng dvdam nø wáshàì we døni àngò mèpvng tuqrawe Yesu Kristu ò tvrà svng dvgǿá we, cipshì we nøt mvsø̀n laqyà gv́lshì we, døngmvn we tvrà taq ripwe laqyà rì svng cvn shàì nø nøngmaqò lvpat kv́mnøt tvrà taq gø dvzaq dvkáng shìlv́m wàì.
