Jubilee Of Migrants ( Vsér shì bvnlì wà rì dvpvt Jubilee )

5.10.2025 Nøng Vsháng Puthem Catholic Gaíchuk Sasvna taq Vsér shì bvnlì wà vsvngrì dvpvt jubilee bóy svng wà bø’à. Jubilee Missa Noqngøm lòng svng Svrado pè Henry í shøl nø Shvrúngshú Fr.(5) pè nvng tiqdø noqngøm bø’à.

Missa Noqngøm rvtø taq Svrado Henry Ice cream kèní ” nøngmaq Myanmar móngdàn yv’ngkèní vsvng rì Køni móng kaq tuqá:mì rì rø mvmè íe. Nøngmaq móngdàn Chøm shvnvng Thailand móngdàn yv’ngø Myanmar móngdàn yv’ngkèní Vsér shì nø vl rì (5) wvn rvzé vlē. Sén ku vlē. Àng møn ku íni shvmaqce gø íe. Ang dvja angdangdang angpvnpvn taq sing nø, àngdeò rvgaq mvring rvwá wama yv’ngkèní búng nø dìe.

Bvnlì tiqlòng lòng mø-í nigø, mvjvn Shiwvt rì kèní yílshì lúnlvm rvt. Wervt nø dèni nøngmaq í yà mvtú svng yv’ng nø àngdeò àngnvm angchvngrì gø vbáè. Deri dervp rì gø vbáè. Íni gø, àngmaq tuq we shvra, àngmaq vl we Thailand móngdàn yv’ngø tuq á:mì nø bvnlì wà we vnvmchvngrì angcø angcèrì, Singapore tuq á:mì nø bvnlì wà we angcø angcè rì àngmaq svng èrøtnøng angmaqí àngde Chøm vsvngrì kaq svng rvtø vrvm dvdvmòe. Angmaqí lúnò lòngí àngmaq vl we shvra, Døngku rì svng dvzøm lúnòe. Wervt nø dèni ya mvtú svng dvdvm taqsórí èyv’ng lúngò ni àngde rvgaq yv’ngkèní Vsér shi we angcø angcè rì dvpvt vjúrøt dvbvngà i, wā shø’n bø’ì.

Missa Noqngøm vdv’ngá:mì mèpvng Svra Nicola taqkèní shøl nø Vsér shì nø bvnlì wà vsvngrì dvpvt lvmvng tvyø tiqlòng svng wa bø’à.