Missa kàgvp nú:ng we nvmlat tut shálvm mvtú rì

Ni vrv̀m shvrúng shú rìò missa kàgvp
núngwe tvyø svng AD( 4 ) àngyá mvzuq
nv̀mlat rvtø̀ kèní pvng shì yàng ì.


2. Góng gwá tvle shìwe kok kèní noqngø̀m
   nú:ng jàm svng rvzi shìnø dira we taq,
   (1) Lōban lá:ngò rì,
   (2) Yesu wùr gáng lá:ng ò gø,
   (3) Svmi tvróng lá:ngò rì,
   (4) Mòng kà rø lvm asvng rì,
   (5) Shvrúng shú shvnvp rì,
   (6) Shvrúngshú rì íe.
3. Missa kàgvp núngwe rvtø nv̀mlat rvtø taq (1)poq Missa kà gvp nú:ng dá:ng ò we rvtø taq (1)poq shvrú:ng shú taq kè ní nú:ng jàm lòng svng(2)poq vgō ngøm shì nø dvgùng zí òwetaq ,
   (1) shìwà vsv̀ng rì kaq pàmvrà vtō shì we íe.
   (2) Núng jàm mvdàm vlwe shv̀nshér vsvng rì
   ò shv̀nshér dvrè rì svng vpǿ nø dvgùng zí
   shì we íe.
   (3) Shv̀nshér vsv̀ngrì nvng vzø̀mwe tvrà
   gømla íe.
   (4) Núng jàm nø , Yesuí zidòng mok svng
   shvmá:nò we rvtø̀ taq láng shì yv̀:ngì we
   jàm lòng gømla íe.
   (5) Yesu wùrgáng mvdàm gø̀nshaq zíshì
   yv̀:ngì we Galwari shìgùng ò gømla lòng
   gø íe.
4. Missa kàgvp núngshì we rvtø̀, shvrà vrv̀m taq Yesu hāng vbáwe wurgáng svng we núng jàm mvdàm gv́lshì we nø Galwari shìgùng mvdàmø Yesu àng tiqgóng svng mvrà vl vsv̀ngrì dvpvt núngshì bǿì we lòng svng dvdàm lv́m dvpvt íe. Pàwálv́m wani Galwari shìgùng mvdàm Yesu àngò núngshì bǿì we lòng nvng Missa kàgvp núngpà lòng níò àng mvtú nø tiq dvchá ni ínø Yesu àngò dvshà mvhøt vhǿm ráà we tvrà lòng svng tiqkvt vrá dvdam dvtøp shìlv́m rvt íe. Wervt Missa kàgvp núng jàm mvdàm Yesu wurgáng mv-vl we ínì nø kàgvp nú:ng lv́m vkáng gø mv-vl
   we íe. 5, Missa kàgvp núngò we tvyø taq cìng mø:tnò we nø kàgvp núngshì we tvyøò vchvk mvdø̀ng tut svng tuqráì walòng svng shvdǿm nø vrì:ngò we íe.

6, Mingling of Water and Wine- vtì nvng svbiq (bìm tì) vshúò we nø Yesu Gvray nø rvgaq mvdàm vsv̀ng góng dvchøp shì nø Scrementu vdòng taq kø̀mzøp:vm we svng tuqlv́m íwe dang mvsat gømla íe.