Vshø̀m mvrìng kaq ngā:nò we

Israel vsvngrì taq vna zìnlì tiqpvn dø íwe vl we nø vnáyøl we dang íe. Gvrayí angmaq svng zíyvngà we dvkámkà, shálvm mvshø’l pvrá
jórnònggùn bv̀nlì rì waò we dang nvng mvréza shóngnøtrì svng vnáò nøtzaq weó angmaq wámvyø’ washì nø v:le. Wervt angmaq svng kàdvtutshúrìí
gønshaq ang kàng Gvray Gvsàng lvp kaq dvshaqí nøt vwángshì nø
vtvnglvm dvshvtnòe.

Kàngpè Yesuí gø “Korazin mvring, Betsayda mvring nvng Kapernum mvrìng rìsvng dvshà mèhøt lóngnønge v:lò nø ngànòe. Kàngé daq we angni taq Tiru nvng Sidon mvrìng nií vhǿmlv́m lòng mvdv̀m té rvnaq longe. Angmaq nø Gvray kà mvtā. Namaq kà tā vsvng nø, Ngà kà ta vsvng íe. Namaq svng mènàtonøng rìí nø, Ngà svng mènàtong we íe. Ngà svng mènàtong gǿí nø, Ngà svng dèzv́r dakngà Pè svng màtoò we íe,” a:lòe.

Wervt deni Kàngpè Yesuí dvshvt we nø Gvray kà svng cvn nø kàtálvm dvpvt íe. Gvrayò kà svng mvtā mvcvn we nø Gvrayò mvréza shóngnøt gønpaq svng shvmá:ngò we nvng vbú:nge. Gvrayò nøtsvng nøngmaq ni vrvm cvnlúnlvm dvzaqshì rae. Gvrayí dvtú dvshvt we dang cvnlúnlvm rvzaqe, inìgø Gvray jèjú taqkení cvnlún høq dvzaq dvkáng shàì.( Luka 10:13-16)