October shvlá dvpvt Svrabín koqkv́mpèò dvtú mòngkà

October shvlá dvpvt Pope Leo XIV nø Catholic shvngø̀mré vsvngrì kaq “mònggv̀n rvgaq mòngzø̀l lv́m tvrà vjúrøt dvzaq shìràwe dang dvtú bǿà we íe.

October shvlá køp nø shv̀shér we Rosary rø vjúrøt shìwe shvlá íwe taq shvngø̀mré rì tiqgǿ vrv̀m gø welòng taq nøt zǿm shàì nø dvzaq shìlv́m dvkám bǿà we íe.

Pope Leo XIV taqkèní mònggv̀n døng taq bø̀n we mvjàn rì nvng shìwvt àngpv̀n pv̀n vhǿ:mò we vsvngrì dvpvt dvsháza we nvng vjúrøt dvbangā lv́m dvkám we íe.

We shvrà taq Arab dvcì vjúrøt shìnvng tuqráì we zaqlè vsvngrì kaq rvcángcè wawe nø “dvsháza shóngnøt nvng mvrà chutā lúnwe madvrá we bv̀nlì rì svng vgá dvzaq shìlv́m gø dvkám bǿà we íe.

Zv̀ndvtut Svrabín koqkv́m pè taqkèní “Mòngzø̀l we tvrà nvng dvsháza shóngnøt rìò shìwvt rì svng dvcøp shvnvp we vsvngrì wáshì lv́m dvkv́m we íe.