Jurøt chø̀m taq Yesuí shanshér kàru røò we

Lk 4:16-30

Kristu vdòng taq shóngshø̀ngwe pè, mè, vnvm, vchvng maq Lk 4:16-30 vdòng Nazaret mvrìng vsvng rií Yesu svng Gvrayí dvzv́rvtnà we lòngzàpè Gvray íe wawe tvrà svng màtoò we dang tálún shìwe íe. We jømciq rì svng lú:ngì dvgvp nøngmaqí cv́ndøng ràì we tvrà (3) dang svng gø yv́nglún shìwe íe.

1. Vdè taqkèní Gvray kaq rvtø̀ zíì nø àngnvng tiqdø tvpní shìdø v̀l lv́m, àng yv́ngkèní pvlàcè nònggwòn kù:ngà lúshì lv́m dang

2. Vdè taqkèní vtoshì lú:nì we Gvray yv́ngkèní pvlàcè kù:ngà svng tiqdv́ng vsv̀ng dvpvt gø vwánā lún lv́m, Gvray àng bv̀nlì taq dvzaq shì lv́m

3. Wedø Gvrayò àng ngór dvgù:ng svng shvring shvtàì nø svkse wáshì lú:ngì we rvtø̀ rì taq màtoshì we, vtù gvsat rawe gø vhǿm shìrawe svng síngshá nø dvgǿ shìlv́m shvdǿm we íe.

Mòngkà ciqtaq “ngàí namaq svng vla:tnìni, kàdvtutshú kagǿ svng gø vdè móng taq vtoò we màvl”. wanø vtàn ráà we svng dvdam shàì nø nøngmaq shvngbe gø zitnøt vl ràwe dang svng shvdǿm we íe.