Asia móng nvmbøng mvrù shìwvt vhø:mò móngdàn rì dvpvt Pope Leo XIV taqkèní vjúrøt dvbangā we
1 October 2025
Pope Leo XIV taqkèní Philippines, Taiwan, Hong Kong, Vietnam nvng Mìwà móngdàn rì nvmbøng mvrù møt we vhø:mò vsvngrì dvpvt vjúrøt dvbangā we íe.
Dvrá kó svrarìò Jubilee bóy àngni September 26-28, 2025 rì taq Missa kàgvp núng kùng kèní vjúrøt dvbangā bøà we dang vtà:nbøà we íe. Nvmbøng mvrù zaqwe shìwvt nø Philippines, Taiwan, Hong Kong, Vietnam nvng Mìwà móngdàn rìtaq vhøm bøà we ínø àngmaq dvpvt vjúrøt dvbangā we dang vrìng bøà.
We shìwvt dvjáng rvt mvhøt lvm tvrà vhømò vsvngrì, vmvngá:mì we vsvngrì, chømrì gvyaqshì nø vllvm dvgø vmá:ngā bøà we vsvngrì nvng we dvjà dvpvt tubúm dvbangā we øpshøl shaqré rì, dvsháza bvnlì kèní dvbangā we mvdò rì dvpvt gø vjúrøt dvbangā we dang dvtú ráà.
Gvray taq zøm shvngáng shìlvm lvm nvng àngyvng kèní nøt shvløm we roqgvr we jejú rì vtoshì lúnlvm dvpvt Gvray kaq kám vløm shìlvm tvrà kèní gø nònggwòn zikà vrìng bøà we íe.
Ya nøng vdò nònggwòn zaq vtang íwe Ragasa mvrù mè nø Philippines, Taiwan, Hong Kong, Vietnam nvng Mìwà móngdàn rì taq møt bøì nø vsvng gorø 2,000,000 rvzé mvdàm yàmbvn we shìwvtí vtøp bøà we mvtaq vsvng lvpat rì gø mvme zíshì bøì wanø Vatican shvngkà kèní vtàn ráà we íe.
News- Vatican News
