Pope Leo XIV svng Palestine kaq vtoò we ínìgø móng lvmvng dvpvt vrashìwe mvtú rì taq cøm vnøn we tvrà vlwe

Pope Leo XIV nø Vatican, Castel Gandolfo svng tuqráì dvgvp nvmsvr, rvwè móngdànrì ò móng dvjàrì dang dvmvnwe wàbøà.

Vatican móngdàn taqkèní Palestine svng móngdàn tiqlòng ku vtoshì nø Vatican nvng 2 móngdàn vzøm vzvp we tvrà nvng Gaza rvgaqò dvjàrì dvpat shvlawe mvtú lálvm dvpvt vtoshì we tvrà wáshì we ínìgø we vrashì we tvrà jòrwe mvvl wanø vtàn bøà.

Gaza rvgaq bønwe móngdàn mvjàn shìwvt rì dvpvt gvzà nø bùm we nvng noqngøm tøngnø rì gvyaq dvzvr we tvrà rì màshvbøn lvm dvtú we íe. Russia mvjàn rì gø cvn cvn zøm vdu bøì we nvng móng lvmvng tvrà kèní vrashì vdu we svng dvkám bøà we íe.

Vrá nø Vatican council krønmvng gvsa rì taqkèní gø vzvnglvp kaq we dø shìwvt tvrà rì dvcøp lvm dang téwa bvnlì wa dvzaq shìlvm íe wanø Pope Leo XIV taqkèní vrìng bøà.

News- Vatican News