Piterí Kristu vchà:ngò we
Vsvng tiqgø nvng rvmnvng rvmboq bøn we ínìgø ang dang chvk tøpni tøpwa mvsháì, mvdvm shvlē wa sháì we vsvng gvza vle. Rvmnvng rvmboq tiqgø nvng gvza vrvm nìgø vsvng we gø svng pa tì mvlá:nì we vlshae. Vdeí yvngì dø lánì dang taqkení ang svng shønsháìe. Mèpvng taq nø mvrà vlwe vsvng tiqgø dø sònìe, ang mvkøm zøp we dang taqkení mvrà láìe.
Kàngpè Yesu svng gø sháì dø lánì nìgø chvk wa sháì we nø mví dvlrì. Mvdvm shvlē taqkení wa sháì rvt mvdvm shvlē ku wa kámnøt zvngìe. Ya mòngkà taqkení dvshvt we dang nø Gvray svng mvdvm shvlē taqkení noqngøm lvm nø màdu. Gvray ang shvla we dang svng cvnì nø ang ngòrdvgùng svng vlømshàì, kámì nø kámnøt dang tøpni tøpwa tøng tøng dvzaq shàì.
Rvcángcè mvíni gø badàyé shvngømré svng nøtlúmrì, Lega gvza røshì we Vsvngrì ínø Jøng mòngkà Bok røò yvng kení Gvray vl we dang svng sháòe. Nøngmaq vgomø’lcì nvng nvrømdùng taqkení Gvray kaq shálvm vchvk mvdøng íe. Yadø í rvtnø ngà gø yadv́ng pv̀n svng tø̄nshi vdu nìgø màshvrakshøng. Pàwálv́m wani ngà kagǿ svng kv́m bǿngà we ngàí shángòe (1Timoti-1:12) wa dvzvr Poloí shønò dø nøngmaqí gø shø’n lúnlvm dvzaq dvkáng shàì.
