Herod koqkv́m nøt bùm we
Yesuí wàò we shvngbe svng vbì wál tiq wál dù Herodní tá bǿà kvt, ang nø gvzà vtiq nø nøt bùme. Kadø íe wani “Yohan dvshá nø shi yv́ng kèní zūn lú:ngì we íe,” wa vsvng tiqmaqí shø̀:nòe. Tiqmaqí nø, “Eliya ni dvtánshì daqì,” wae. Vrá tiqmaqí nø, “Darì kàdvtutshúri tiq pè zūn lú:ngì we íe,” wa nø shø̀ne. Herod nø, “Yohan svng nø ngàí vgo tutnvpmà; ngàí tángò we yadv́ng pv̀n wàò we yapè nø kagǿ íe ma?” wa nø Yesu svng yv́ng lúnlv́m tvrà láòe.\
Vpø’ íwe pèmè vnvmchvngmaq,
Kàgvp Àngshvr Mongkà bok taq, Heroq vshøm gø’ svng yv’nglúnshìe. Cvmrérì kaq svng shvtnò we Heroq Koqkvm (Mt 2:16). Dvzvr Yohan svng shvtnò we Heroq antibats (Marko 6:14-29) nvng Dvzvr Yaku svng shvt yangà we Heroq Agreetba (Dvzvr 12:2) maq íe. Dènio dvbùshang Mongkà taq vbá we Heroq nø Dvzvr Yohan kaq shvt yangà we, Vkangpè Gvray kaq Dvrá ji:p yangà we Heroq Koqkvm pè íē (Mt 27:11-16). Cvmré cerì tiqmaq nø dø vdòng kaq dí mvkàmshì, pàwàlvm wàni Minla vl rvt íē. Vsvng Shaqré tiqmaq nø Gá lòng svng dí mvkàmshì. Angò shøngmvngí ang kaq shvre dvkutlvm lòng svng shvre rvt íē. Tiqmaq, mø-í ni, mvzv’nshi wàni gø tiqmaq nø Dà:má mvdvm yv’ngø dàm vjae wàpà í sháòe. Heroqò mvbø’n nø vléshì we Mvrà tiqlòng svng dvgá tiqlòng í wà:mlvm rvt dvkvngshì taqsórí Dìngman we tiqlòng mø-í nìnø, Mvdøng mvman we Mvrà v-ní lòng í a:mì. Wervt nø, Vkangpè Yesu Kristuò Mongkà svng ètá lúngò dvgvp yv’ng mvyø’ we íni gø yv’ng mvkàmshì, yv’ng mvlún yangò. Wè pàdø vpø’ íwe vnvmchvngmaq Nà, Ngà nøngmaq gø kūnga shaq vnø’n ínø Mvjò we Mvrà tiqlòng lòng svng wá vlé lúngì dvgvp Kadø wā dvgø’shì lúnlvm i mà? Dvdvmì taqsórí dvtut mà léshì lvm rvt dvgø’shì laqlúnì.
