Svmarérìí Yesu dvzø:mò we
Rvcángcè mvíni gø badàyé shvngømré svng nøtlúmrì, Lega gvza røshì we Vsvngrì ínø Jøng mòngkà Bok røò yvng kení Gvray vl we dang svng sháòe.
Kámnøt tvrà dang taq Svmàrérì gø vchvk mvdøng tiq dang taqkení vbá we íe. Kàgvp anglí taq kámnøt màbúng, vsvng dvcì màbúng ínìgø gønshaq shvlut we dang taq vbáe wa svng shálún shìe. Cv̀mré gv́l dèbv̄ngshú mèní nvng Moshi svng mvréza nøt zvng nø dvkumá:mó we Farao koqkámpè angcèmè (Búngám 1:15-21).
Kàngpè Wurgang baqò nø dvki vrè we vhømò rvtø taq Kàngpè Yesuò mørshøqā we Weronica, Ang nø kàngé rúngtv̀ng taq rūng lā:ngí, ang chø̀mmèí ang yv́ng svng vsvng dvzá:rò nø, “Døngman vsvng wepè nvng sīng dø nàí tiq pv̀n gø mèwāni. Pàwálv́m wani Ang rvtnø ságíyaq ngà nø yøpnv́ng taq gvzà dvshàngvpmà,” a:lò nø kólshìe (Mati 27:19). Dvgá yadø dvzømdvzī shì we Svmàrérì gvza vle. Deni mòngkà taq vbárì nø Wurgang taq Shi ni høq dvzømshì we svng shálún shìe.
Wervt Svmàrérì gø gvza vchvk mvdøng kámnøt tvrà dang taq dvzømdvzī shì døni nøngmaq shvngbe gø Shvnshér we tvrà dang taq dvzaq dvkáng shìlvm dvshvte.
