Shànshér Pvlàcè dv́nāò we
Tiopiluá, Yesuí rvhiqshaq í we dvzv́rrì svng Shànshér Pvlàcè taqkèní dvkv́mkà zí bǿà dá:ngí, Ang svng vbun bǿà ni høq, A:ngí wàò nø shvngøt pà:ngò we mvshǿlrì shvngbe nø, kàru nv̀mlat bok taq ngàí vrūng bǿngà. Yesu dvshàá:mì mèpvng, Ang nø cúnshì dìng we zangkwè mvme pv̀n kèní dvzv́rrì svng dvtánshie. Angmaq svng Gvray móngdàn dang shø̀:nò sórí vbìcé ni høq dvtān mvnshìe. Tiq kvt nø angmaq v́mpà vm nø dvkǿmshi dvgvp, Yesuí angmaq svng Yerusalem kèní mvbúnglv́m rvt dvká:mò nø, “Vpèí zílv́m dv́na we Ngà yv́ng kèní namaqí ètávpshà lòng ca èmvn dánøng. Kadø íe wani Yohaní nø tì taq tìløp løpmaòe; í we kadv́ng ni màlé dvgvp namaq svng nø Shànshér Pvlàcè taq mv̀ng èløp daqnø̀nge,” a:lòe. Wekvt angmaq dvkǿmshi ráì kvt, angmaqí Ang svng rø:tnò nø, “Vkàng pèá, móngdàn nø Nàí Israel kaq vrá shvzøngālv́m nø, yadvgvp ni íe ma?” a:lòe. Wekvt A:ngí angmaq svng yadø a:lòe. “Vpèí Ang vmíng vkv́ng kèní gvn yà:ngà we rvtø̀ angni svng nø namaqí shálv́m mø̀í. Inìgø Shànshér Pvlàcè namaq mvdv̀m tuq daq kvt, namaqí nø jórnònggùn èlún daqnø̀nge. Wekvt namaq nø Yerusalem taq gø, Yuda móng shvngbe taq gø, Samaria móng taq gø, rvgaq vtv̄ng yv́ng høq ínìgø, Ngà shvkse èí lóngnønge,” a:lòe.
