Catholic (Nun) dvzømshú (4) gø Modo vku:pnø lvpat zíshì vdu bøì we

Tanzania móngdàn Mwanza Svrado gørwang vdòng September 15 ni taq Modo vku:pnø Carmelate St. Teresa (Nun) dvzømshú (4) gø lvpat zíshì bøì wervt vtang kèní nøt yòl lvm tvrà íbøì wanò yòl kàru kèní vtàn lú:ngà.

We dvzømshú (Nun) (4) gø nø cvmré rì kaq paqzí shvngøt, dvzitā we zùng taq dvzøm dvzaq shìwe ínø we mvdò ò øpshú mè gø vbá we íe. Àngmaq nø àngnøng nvm 3 gø ò dvzømshú (Nun) kàciq ratshì we bóy svng dì we ínø we bóy vdángá:mì mèpvng àngmaq vl rvgaq svng lolvm nvmbøng shø tøm svng di we tvrà rvmø modo vku:pnø yòl lvm tvrà íbøì wanø vtàn ráà wegø íe.

News- Vatican News