Shvlaq nvng gálòng kàshvbóng

Mt 5:13-16

Kristu vdòng taq shóngshø̀ngwe pè, mè, vnvm vchvng maq dèniò Gvray dvbùshv̀ng mòngkà taq rvgaqò gálòng nvng shvlaq kàshvbóng kèní shèdǿ:mì we íe. Wedø nøngmaq nø Gvray gvsang kaq kv́mì nø tìløp kv́mshì bǿì we nøngmaq shvngbe nø Gvray àngò móngdàn tvrà taq vdè dè bv̀nlì mvtú, døngjá taqkèní rvgaqò shvlaq nvng gálòng bǿn lún høq dvzaq shìràì we dang shèdǿmì wegø íe.

Nøngmaq tiqgǿ vrv̀m kaq cǿngdø we rvgaq dvpvt svmi gwìncè tiqlòng cè nø bǿn dvzv́r mvyǿ we íe. Wedø ni rvgaq vsv̀ng rì dvpvt shvlaq dø íwe vsv̀ngrì shvngbe svng vjú zílún we tvrà taq rip lúnlv́m gø àng shóngshì nø dvtú we íe.

Wervtnø̀ dèniò mòngkà svng cvn dvgømì we taqsórí nøngmaq svng Gvrayí ègoì we tvrà taq rvgaq svng shvnvp lúnwe, tiqdv́ng vsvngrì kaq vjú zílúnwe vsvngrì bǿnlún høq dvzaq shìlv́m wàì.