Vmpà màv́m vnatshi dāng rø:tnò we
Kàgvp anglí taq Dawi nø angcè pè dvpvt Gvray kaq kórshì nø, v́mpà màv́m vnatshì taqsórí angchø̀m vdòng svng gòngá:mì nø, weyaq chapgá vbātø̀m taq vyálshìe (2 Samuel). Dawi koqkámpè v’mpà màv’m vnatshi dø ni Yudá vsvngrì gø tiq nøng vdùng taq vbì baq v’mpà màv’m vnatshie. Kàngpè Yesu gø v’mpà màv’m vnatshi we nø Sataní Ang svng dvlø:tnòe. Wenila taq Ang nø pàgø màv́m v̄l nø svríshi lú:ngì wae (Luka 4:2).
Coqcvnrì gø we dø ni cvn nø v’mpà màv’m vnatshie wae Wedø ínìgø yadø í pv̀n cáng nø, v́mpà màv́mv́m vnatshi nø vjú rø:tnò yv́ng kèní wa mø̀í nìnø mvlúshìvm,” wae (Mati 17:21). Barnaba nvng Solo angní nø, v́mpà màv́m vnatshì nø, júrø:tnò sórí angní mvdv̀mø wur hapma bǿà dá:ngí, angní lvngà svng dvzv́r bǿà (Dvzvr 13:3).
Farisirì nø wedø mví, vsv:ngrì yvngtvmlvm v’maq vnatshi we dang íe. V’maq vnatshi we dang nø mapnøt rìsvng shvmáng lvm íràe. Té nø Gvray nvng vzøm vzvp lvm dang íe. Køn nø cipnøt màvl we íninø muqlàng dvzvr nat Satan ív:me. Køn nø cipnøt vl we Vsvngrì gø dvzvr coqcvnrì írae. Nøngmaq Gvray shóngshi we angcø’ angcèrì shvngbe nø mvréza we vhø’mlvm nøtkøn nøtcipshàì nø Kàngpè nvng té vzøm vzvp lúnlvm dvzaq dvkáng shàì.
