Tiløp Yohan vgo tu:tnò we
Herot koqkámpèí nø Yohan svng Gvrayò kám vrvm døngmvn shvnshér we kà dvtutshú írvt vpǿ svreò we íe. Yohaní Herod svng angnv̄m pè Pilip chø̀mmè Herodia nvng v̄l rvt, Yohaní ang svng, “Nvnvmpè chø̀mmè svng èlūshi we nø màdvrá,” wa nø ang tūng rónglvm màsvre shø’nkàm shìe. Herot koqkámpè nø ang chøm døngku nvng rvmnvng rvmboqrì nøtshøm dvbulvm rvt Yohan vgo tu:tnò we íe.
Tiløp Yohan shì yv́ng kèní zun lú:ngì wa nø shøn kà a:ngí tá bø’à rvt svree. Herot koqkámpè nø døngmvn shvnshér we Yohan nvng vhøm dvgvp mvrà dan kení mvlutshì. Ang nø døngmvn jò we sháò inìgø mvjòlvp kaqsvng lē wáshìe. Gvrayò jèjú ìshøt gømpaq vtolúnlvm dvpvt dvki vrè we svre lvm dang rìsvng shvle lún rae. Nøt dvshà mvhøtlvm vhøm shì daqì dvgvp kámnøt taqkení Gvray kaq vlø’mshàì vjúrøt shàì.
