American móngdàn taq vlwe Catholic Mission paqzí zùng tiqlòng taq zùngmà rì shvnatí wvp vhǿm bǿà we dang nvng singnø̀ Pope LEO XIV taqkèní yòl kàru vrìng bǿà we
Vle á:mìwe August 27.2025 ni vsháng 8:30 AM rvtø̀, American móngdàn Minnesota móngwv́l, Minneapolis taq vlwe Annunaciation Catholic noqngø̀m chøm nvng paqzí zùng chø̀m taq vjúrøt lìpùng dvpvt mvzuq shì ráì we zùngmà rì nvng shvngø̀mré vsvng rì kaq noqngø̀m chø̀m bv́ngkà vtáng lvp kèní shvnat lang vsvng tiqgǿ taqkèní shvnatí wvp:vtnà rvt vsvk 8 nǿng nvng 10 nǿng mvril íwe cv̀mré 2 gǿ shìbǿì nø 17 gǿ dvmá vcaq bǿì.
Wedø shvnat dvmmá lúnbǿà we vsvngrì taq 14 gø nø cv̀mré rì ínø̀ we cvmré 7 gǿ nø vsvk nøt bùm lv́m tvrà vlwe dang shálún shìe. Wedø shvnat lang nø gvsat ráì we vsvng gø gø shvnat wvp dá:ngòwe chàng àng tiqgǿ wa shvnatí wvpshì nø̀ shat shì bǿì wanø̀ Vatican shv̀ngkà kèní dvtú bǿà.
Wedø shvnat taqkèní gvsat ráì we zàng taq vbá nø̀, lvpat cǿm bǿì we, dvmmá lún bǿà we tiqgǿ vrvm, àngmaqò chø̀m vsvngrì shvngbe svng Gvrayí nøt shvlø̀mwe, roqgvr we jejú vto shì laqlúnò wa taqsórí nøt yòl we kàru svng Pope LEO XIV taqkèní vrìng bǿà we íe. Wewa mvtaq we shvrà taqø zá vtøp bǿì we gǿ vrv̀m kaq svng cì lvjáng, dvzøm shìwe cì svra rì, shvrúngshú rì tiqgǿ vrv̀m dvpvt gø zaq zaq vjúrøt dvbangā we dang dvtú bǿà we íe.
