2026 nøng ò (World’s Peace Day) mònggv̀n mòngzø̀l tvrà àngni dvpvt Kà vgo íwe “shvngbe mvdàm mòngzø̀l lòng laq tuq daq”
mònggv̀n mòngzø̀l tvrà àngni dvpvt Kà vgo íwe “shvngbe mvdàm mòngzø̀l lòng laq tuq daq”
shvnat mvzø rì shvngbe svng làng lv́m, we shvnat mvzø rì shvngvm we mòngzø̀l we tvrà svng tvnúng shìwe kà vgo kèní Vatican shvngkà dvp kèní “Mòngzø̀l lòng laqtuq daq” wawe kàru bok tiqbok svng August 26.2025 ni taq dvsher bǿà wegø íe. Vatican móngdàn Svrabín koqkv́m róng kèní 2026 nǿng Mònggv̀n mòngzø̀l lv́m tvrà àngni dvpvt Pope Leo XIV taqkèní vrìng bǿà we kà vgo vdòng taq mònggv̀n svng vrìng bǿà we íe.
2026 nǿng January 1 ni taq wá vdu we mònggv̀n døngtv́ng nvng singwe mòngzø̀l lv́m tvrà nvng singwe mvtú kèní Àngmè Mari ò bóy àngni ò kà vgo íwe “Shvngbe mvdàm mòngzø̀l lòng laq tuq daq” shvnat mvzø rì shvngbe svng làng lv́m, we shvnat mvzø ri shvngvm we mòngzø̀l we tvrà wawe kà vgo svng mvsat shì bǿì we íe.
We kà vgo nvng singnø̀ shvngkà dvp kèní “vdu vbóng we dvrá nvng dvsháza shóngnøt rì nvng vzø̀m vzvpwe døngmvn we mòngzø̀l lv́m tvrà taq zǿm shvngáng shì lv́m, tvsvng shvnip shvnvr we tvrà rì svng vgám lv́m shvdǿm nø nonggòn zi we shvngkà gø íe.
2025 May 8 ni taq Svrabín koqkv́mpè Pope Leo XIV svng rvcàng bǿà we rvtø kèní Svrabín koqkv́mpè taqkèní mònggv̀n taq shvnat mvzø rì shvngvm we mòngzø̀l lv́m tvrà svng vrang dvzaq shàì wanø̀ dvtú dvzaq shìwe gø íe.
Døngmvnwe mòngzø̀l lv́m tvrà wawe nø shvnat mvzø rì, shvnip shvnvr we tvrà, tasvng shvngo kewe tvrà rì, vzi vrùng wawe tvrà rì, svre dvké we tvrà rì shvngbe vmvngvm nø̀ dvsháza shóngnøt, nøt mvsø̀n bv́ngkà svng tv́n shàì nø tvsvng kám vlǿmvm we, dvsháza nøt mvsø̀n rì vshøp we, vzi vrùng wawe tvrà rì svng shvrv́m dvcøp we tvrà rì ni íe.
Yadø íwe dvlà rì shvngbe nø nøngmaq shvngø̀mré mvdò rì vdòng, vsv̀ng mv̀ngpòng rì shvngbe vdòng kèní vrang dvzaq shì ràe wanø̀ vrìng bǿà we íe.
