Dvshà Mvhøt Vsvngrì Dvpat Jubilee Bóy Wáàò We shvngka

Mandalay Catholic Sasvna Pyin Oo Lwin Mucho mvring St. Michael Noqngøm chøm taq dvshà mvhøt we vsvngrì dvpvt Jubilee bóy svng 24. 8. 2025 nøng nár Ni taq wá dáng bø’à we íe.

Jubilee bóy Misa kàgvp nóng we svng, Shvrúngshú Dominic Aung San Htay (CMF) í, shøl nø, Shvrúngshú Peter Yan Naung í nø, Jubilee bóy wáshì we ang mvtú nvng mòngkà dvshv:ngāòe.

Mòngkà taq Kàngpè Yesu nø dvshà mvhøt vhømò we vsvngrì tiqdø vl we íe. Dvshà mvhøt vhømò we Vsvngrì kaq dvbvng wenø Kàngpè Yesu svng shóngshì we dvtvnshì we mvtú íe, we nø dvshvte.

OFM Shvrúngshú Jaò rì, taqkení nø vsvng pvn màrvwing, shvngømré màrvwing shvngbe svng vm city, Só nvng dvgá rà we ám aqlvm pvnrì svng dvbv:ngòe.

2025 nøng vdùng St. Michael Noqngøm chøm taq
dvshà mvhøt vhømò we vsvngrì dvpvt Jubilee bóy wáshì we nø nvmlat tiq poq íwe dang svng shálún shìe.