Farisirìí Dvrá lòng dang Yesu vlø:tnò we
Shvngømré mèò, kámnøt tvrà dang taqkení dvtú dvtvnshì we taq medo Mari muqlàng móngdan kaq tvm vbun bø’à we nvng Muqlvng móngdan koqkám mè Shvnshér we sikbvdí wawe dang rìsvng yvnglún shìe. Ya bóy vní bóy nø shvngømré mèò kámnøt tvrà noqngøm we dang taq wiqní Ayaq tiq lvbán vdòng taq vhømāme. Shvngømré mèò mèdo Mari svng Gvrayí nøngmaq dø pøp we Sha góng vl nìgø Kàngpè Yesuò angmè írvt tìn gvyaq we vhø’m dvzvr mvneshì we íe.
Wervt rvgaq mvdvmø vl shvngbeò koqkám nvng vsvng vrvmò koqkámpè Yesuò chutchvng we bvnlì taq mèdo Mari nø tø’ngtø’ng kám vrvm dø dvbvngshì rvtnø ang svng muqlàng móngdanò koqkám mè wa nø dvgùng shvring we nvng Gvray dvgùng svng shvringlvm shvrà zíshì we íe. Shvngømré mèò wiqní nvng sing nø kámnøt tvrà dang taq mèdo Mari svng dvgùng zí shvring shvtaì we dang nø ang svng noqngøm nø kám we dang mví. Jøngjø’ng nønt mángshèr we vsvngrì kaq shvring shvtaì we dang nø gvza shvla vdū we írvt Mari í, Gvray kaq kám nø shóngnøt te we dang svng nøngmaq shvngbe gø cvnlvm shvngøt we íe wa St. Leo(12) í shvngøtne.
Mèdo Mari í, Kàngpè Yesu svng røt dvbvng we rvt nøngmaq nø Mari nvng tiqdø vl we íshàe. Mvdøng nø rosary vjúrøt we rvtø taq íe. Wervt mèdo Mari í nø nøngmaq svng Kàngpè Yesu yvng tùng tuq tvrà eshøl shà rvtnø nøngmaq vlø’mshàì, vjúrøt shàì nø
Vdè góng svng èshóngshì dø, nà nø nà tiqdv́ng vsvng kaq shóngshì ràe,’ wadø shóngnøt dvtvnshàì nø
Gvray dang nøtløm nøtshòlvm nvnggùn kungà røtshìlvm waì.
