Marì nø Elizabet yv́ng di we
Deni mòngkà taq “Svmarérì í dv́ngte dvhø̀ taq nàí nø ìshøt ìgv̀n èlú:nòe. Nà góng taq vl we cv̀mré cèí gø ìshøt ìgv̀n lú:nòe. Akvt kèní kukaq mvrīl nø mvrīl vrà:mí ngà svng, ìshøt ìgv̀n lún mè, èv̄l longe. Sángzà góng dvshøp shìwe mòngkà, Kàngpè Yesuò angmè írvt Gvrayí nø ang svng góng bup we nvng Shi we mavl, tiqciq ciq cúnshì lúnlvm rvt Sha góng nvng Shvnshér Pvlacè nø muqlàng móngdan taq chvng vbúng bø’à. Marií, “Eyà:ngò, ngà nø Vkàngpè Ang vshuqmè ǿngàe. Nà èshø̀n dø tiqdvchá ngà taq laq í daq,” a:lò nø vtoò rvt a:ngò nønt mángshèr we rvt, Gvrayí nø gvza tévtvng, shvlá vtvng we bvnlì svng ang nvng ang taqkení tiq dvtvng vtolún shàì we íe.
Akvt Marií nø angcè péí, jórlún
bø’à, Shi yvng kení cùnlúnò dø, Marií gø jórlún bø’à nø Muqlvng móngdan svng tvm vbúng bø’à we íe. Medo Mari nø muqlàng móngdan kaqsvng tvm vbúng bø’à we bóy angnī nø nøngmaq dvpvt vlø’mshìlvm dang nvng nøngmaq dvpvt tvrà shølshú shvlá íàìe. Vrá nø nøngmaq shvngbe dvpvt dvhø taqkení røtā dvbvngshú gø íe. Nøngmaq rvcángcèrì shvngbe gø medo Marií “Eyà:ngò, ngà nø Vkàngpè Ang vshuqmè ǿngàe. Nà èshø̀n dø tiqdvchá ngà taq laq í daq,” a:lò dø vto shàì nø, vde wurgáng vde baq shàì nø Gvray móngdan tuqlvm tvrà ding we dang taq cvnlvm waì. Shvngbe svng oqà.
