Yeru àngcèmè dvzu:nò we
Mt 9:18-26
Dèniò dvbùshvng mòngkà taq shìá:mì we Yeru àngcèmè svng dvzu:nò we nvng tiqcé vní nǿng shvwi vyø nø zawe svmaré mè svng dvbānò we dang yv́nglún shìwe íe.
Dèni Gvrayò cúnshìwe mòngkà rvt nøngmaq tiqgǿ vrv̀mò Gvray kaq kv́m vlǿm shàì we nøt mvsø̀nrì kaq tiqkvt vrá nøt cun dvtøp shìlv́m dvpvt nøngmaq shvngbe svng shèdǿ:mì we gø íe.
Dèniò mòngkà tut taq yv́nglún shìwe 2 dang svng yv̀ngvtnì dvgvp Yesu yv́ng svng nøt mvsø̀n tiqgóng køp kèní kv́m vlǿm shìwe nøt mvsø̀n rvt dvban dvzøm lúnwe jejú svng vtoshì lú:nò we tvrà svng gø yv́nglúnì we íe.
Wedøni nøngmaqò lvpat tvrà taqgø dvløt gvzàmwe àngpv̀n pv̀n vhǿm lú:ngì we rvtø̀ taq kv́mnøt wawe nøt mvsø̀n kù:ngà taqkèní gvsat ràì we íe.
Dvzv́r Polo shø̀n yv̀:ngì we kà taq “Nøngmaqí vtoshì lú:nì we kv́mnøt tvrà svng chvpdvp cv́n dvgø:m we mv-vl we kv́mnøt tvrà nø kv́mnøt vshí ílonge” wanø̀ vtàn ráà we íe.
Wervtnø̀ dèniò dvbùshvng mòngkà døni Kàngpè Yesuò nøt laqyà rì taq cvnshàì taqsórí vdèò shvnvng gùr gùr taq vlwe vsv̀ng rì nvng tiqdv́ng vsvngrì kaq svng ràwe dang vrv̀m taqkèní tubúm dvbang shàì nø nøngmaq taqkèní vtoshì bǿshà we kv́m nøt tvrà svng mvshì we, cúnshì we, lvjøm vlwe kv́m nøt tvrà bǿnlún høq dvzaq shàì we taqsórí cún shì lv́m wàì.
