Gvray gvsangí nø angmvtú anngpvn pvn taqkèní gø, háng gømlā rì angpvn pvn taqkèní gø Gvray gvsang nø nøngmaq kaq dvtánshìe.
Vpø’ íwe pèmè vnvmchvngmaq,
Gvray gvsangí nø angmvtú anngpvn pvn taqkèní gø, háng gømlā rì angpvn pvn taqkèní gø Gvray gvsang nø nøngmaq kaq dvtánshìe. Vrá nø, Toniò ang dvja taqkèní gø, Mongkà taqkèní gø, Gá lòng taqkèní gø dvtanò we vlē. Gvray gvsang ang tiqgóng dvtanshì lòng svng nøngmaq í vtō lúnlvm, rvzvngcerì wáshì lúnlvm rvt dèni cúnshì we Gvray Mongkà kèní ègo íe.
Vpø’ íwe pèmè vnvmchvngmaq, Dvzvr Piter ínø Kristu kaq svng Vkangpè nø Messia gvray, Gvray angcè pè wā vchvng nø dvtanò dvgvp, yalòng nø Na nønt vdòng kèní èshøn we mø-í, Vpè Gvray gvsangí Na kaq dvtan lòng svng èshønò lòng íe, wā Kristu í vrá vl yangà. Piter nø angdèo dvzvr í nigø, Paqzi Kàru mvsha Ngā vkwe vsvng í nigø Àng taqkèní Gvray gvsang Kà shø’n nø dvtánò lòng svng Kristu Vkangpè angí ni vtō yangà.
Gvray gvsang ínø àngde kaq dvshà vsvngrì ku, Shiqshan mvlún vsvngrì ku, rvweng vsvng vhø’mò vsvngrì ku gø angdang dang taqkèní mvmè dvtán lú:ngòe. Shiqshan mvlúnò vsvng nvng rvweng vhø’mò rì mvrdvng yv’ngø Kristu kaq svng yv’nglúnshì rvt, àngmaq kaq svng dvzømshì lòng í dang, Mather Tareza í gø shø’n yangà pàdø Nøngmaq ígø cvndvgøm nø wá laqlúnì, dvtan laqlúni. Shvngbe svng oqā.
