Yesu nø rvgaq gálòng í we
Yh 8:21-30
Shvngkà tashàì we pè mè vnvm vchvng maq dèniò Gvray mòngkà taq “Yesu àng shìlòng svng kám shì lv́m íwe dang vtànò we” svng tá lúnì we íe.
Nøngmaq bashà rì dvhø̀ taq vdè nvng vtok vbóng we vsvng, nøt mvsø̀n laqyà vbóng we vsvng rì nvng vzø̀m vzvp we wáshà ì we íe. Vdè nvng nøt mvsø̀n, jàng laqyà vbóng we vsv̀ng rì nvng vzø̀m nø bv̀nlì wawe taqkèní wa pàgø jór lúne wanø shǿn sháì we íe.
Dèniò Gvray mòngkà taq Yesuí vtànò we àng mòngkà svng vsvng loksokí tá mvsí:ngò. Yesu àngí àngmaq svng we mòngkà lvjø̀m svng bǿnāò we ínìgø àngmaqí tá mvsíngò. Wervtnø̀ Yesuí vtànò we taq “Namaq nø pv̄ngtø̀m kèní èínønge, ngà nø taqlap kèní ǿngàe” wanø̀ vtánāò e.
Nøngmaq bashà rì taqkèní Gvray àngò ngór dvgùng svng kadøgø síngshá mvlúnshì, Wervt lòngzàpè Yesu svng dvzv́rvtnà nø lòngzàpè Yesuí Gvray tvrà svng vchàngò we íe. Vránø vsvngrì dvpvt àngò gønshaq zíshì høqshaq dvzaqshì nø chutcháng we bv̀nlì tvrà taq v̀lráì wegø íe.
Wervtnø̀ shvngkà tashàì we nøngmaq shvngbe gø Yesu vdòng taq téwa tvpní shì lúnlv́m ni vrv̀mò cúnshàì we rvtø̀ cèrì taq dvzaq dvkáng shìlv́m wàì.
