” Kvmnønt Tvrào shvbóng shvmvtshì ra lvpat gø’ngzøl shaqré rì kaq svng Svrabín Koqkvm Leo (14) í oqā wa shøn Kà “
Svrabín Koqkvm Leo (14) July shvlá 21 ni taq Alban hills taq vl
Santa Marta Shaqré dvkumò we zong kaq vriqò nø dì bø’ì nø, Shaqré rì kaq Nønt shvløm we , kūnga zíò we, Vløm ra mvtúrì, vjúrøt we bvnlìrì taqø tiqdø v-li lòng nvng oqā wa Kà rì shøn bø’ì.
Svrabín Koqkvm dì lúngì lòng svng lvpat gø’ngzøl shaqré rì kaq svng vsù:ng nø dvkumò we Sister rì í vtōò dang, zvndvtut Svrabín Koqkvm kèní lvpat (80) nvng (101) nøng dvhø rì nvng vhø’m nø Kà dvmvn we, àngmaqò lvpat tvrà rì svng táā we, v-toq v-tìp shóngnønt lòng dvtan we dang, shaqré rì kaq svng yvngò we cì svramaq tiqgø’ taqkèní Svrabín Koqkvm kaq svng vtō Kà nvng oqā wa Kà shø’n bø’ì nø,
Svrabín Koqkvm Leo taqkèní gø Nár ni taq tálún shì we dvbùshang Mongkà svng dvdvm vjáng nø nøngmaqò lvpat taqø Martha nvng Maria nío lvpat rì vbá we íni gø, Maria rvcvngshì lòng íwe Vkangpè Hí shvnvngø rung nø Ang Ka svng tashì lúnlvm rvt nvng a:ng kaq vjúrøt shìlvm tvrà svng dvkv’m bø’ì dang Vatican shvngkà dvp kèní dvtán bø’à.
