Mvjòr rì svng go we
Vpø’ íwe pèmè vnvmchvngmaq, dèni Vkangpè Yesuí go we taq;_
“Vlishì we døngjá èrínøng nø mèjòrnøng rì namaqé, Ngà yv́ng èdi ránøng; Ngàí namaq svng nārshì dvzv́ra:tnìni. Ngà paqdv̀ng èrínøng nø, Ngà taqkèní ècv̄nshì ránøng; pàwálv́m wani Ngà nø nøt kø̄n nø cipshø̀nge. Wekvt namaq dòngnøt mvsø̀n* dvpvt nārshìrà lá èlún lóngnønge, wàe. Kadø íe wani Ngà paqdv̀ng nø rí nàm nø, Ngà døngjá gø vnànge,” wae. Vpø’ íwe vnvmchvngmaq, Vkangpè Yesu Kristu shøn we døngja nø pà svng wàe mà? Yuda dvci rì nø Gvray gvsang kaq vnvpshì nø gurshì lvm rvt døngja paqdv̀ng í shvbóng nø shvngøt dvtú cv’na we vtong vlē.
Yuda vsvngrìo vtóng taq Upvdi kèní zi we døngja, Mongkà kèní zi we Dvrá, shvngømré kèní zi we Dvrá vkvtdø Upvdi Dvrá rì angpvn pvn vlē. Dèni Kristu í nø vnàng we àng døngja svng àng paqdv’ngí rí nø lvpat taqø vnàng dø cúnshì lúnlvm dvpvt nøngmaq svng ègo íe. Nøngmaqò lvpat taqø Kristu Gvray svng shóngnønt taqkèní gø, Kvmnønt taqkèní gø, Cìpshì tønzv’n Nønt taqkèní gø àng døngja rí lúnìe. Gvray móngkà nvng cúnshàì lòng, Gvray Nønt shvrúng lòng taq vbóng vtuk dø cúnshàì lòng nø Kristu shøn we vnàng we døngja lòng íe, wà Kà íē. Vkvtdø mø-í nø, Angdèo í dø’mshì nønt, Vcha nønt, mà:pnønt, høpnønt rì taqkèní wā angdèo døngja svng rí íni nø gvzà v-lishì we døngja svng rí v-du we íe. Cúnshàì we Lvpat taqø wè mvdvmø gvzà vnàng dø cúnshì lúnlvm nø gvzà ni vchvkngè. Dènio Gvray dvbùshang móngkà taq
“Vlishì we døngjá èrínøng nø mèjòrnøng rì namaqé, Ngà yv́ng svng èdi ránøng; Ngàí namaq svng nārshì dvzv́rlvm íe. Ngà paqdv̀ng èrínøng nø, Ngà taqkèní ècv̄nshì ránøng; pàwálv́m wani Ngà nø nøt kø̄n nø cipshø̀nge, wàe. Wekvt namaq Dòngnønt mvsø̀n kèní nārshìrà lá èlún lóngnønge. Ngà paqdv̀ng nø rí nàm nø, Ngà døngjá gø gvzà vnànge,” wae.
Shø’n mvyø’ we taq, Rvgaqtømø nøngmaq tiqlvngce wā cúnshàì we lvpat taqø, dvciq lvpat gønshaq zí lún we, cúnshì we Gvray móngkà dvrá rì taqkèní øpshì lúnlvm, kvmnønt shóngnønt, tønzv’n Nønt taqkèní cúnshì nø Pvlàcè kvmnønt nònggùn kūnga lùshì lúnlvm dekv’mì we, ègo í we móngkà íe. Shvngbeí vnàng we pàdang Gvray Shvmv’n jèjú vtoshì laqlúnì shvngbe svng oqā.
