Yesuí vjúrø:tnò we
Yh 17.11-19
Yohaní vru ráà we dvbùshv̀ng mòngkà taq Yesuí Kàngpè Gvray yv́ng svng bashà rì dvpvt àng bø̀ng taqkèní kupgvrā lv́m røt nò we dang yv́nglún shìwe íe. “Ngà nø rvgaqò mvǿngà dø tiqdvchá angmaq gø rvgaqò mø̀í rvt, rvgaq nø angmaq svng shvngóshìe. Nàí angmaq svng rvgaq tø̀m kèní lùlv́m dvpvt ngà mvrøt. Mvgvm pè wepè wur taqkèní angmaq svng garlv́m dvpvt mv̀ng røtne”. wanø Yesuí kàngpè gvray yv́ng svng røtnò we dang yv́nglún shìwe íe.
Wedø vdèò lvpat tiqgóng shvngbe svng zíshì we høqshaq shvla we, dvsháza shóngnøt dv̀nzø̀ng we nøt laqyà, we tvrà rìsvng cv́n dvgøm dvzaq shìlv́m gø nøngmaq kaq svng shèngø:tnì wegø íe. Wedø Yesu kristuí nònggùn èzíì nø dètú ráshàwe angò tvrá tvrà rì nvng lvpat tiqgóng shvngbe apnúngshì we bv̀nlì tvrà rì taq zǿm shvngáng shàì taqsórí Gvray àngsvng noqngø̀m we tvrà taq dvzaq dvkáng shìlv́m wàì.
