“Mònggvn Dø’ngtáng kèní Catholic Sasvnaò Shvngkà tashì ra”
Perpuanuginy nvng Solomon móngdànò Catholic Sasvna Shvngkà
Perpuanuginy nvng Solomon móngdànò Catholic Svrado gvba rìo angké mvdò nø Shànshér pè Peter To Rot ò bóy ni taqø shvgùn shvring nø wàòe. Svrabín Koqkvm Leo ( XIV) í àng kaq tuqdaq we ( October 19,2025) ni taqø Shànshér Kv’m vsvng ku vya dv’ng nø dvshvng lvm i bø’ì. Ang nø Perpuanuginy móngdàn rvgaqò Nvmlat tiq Shànshér vsvng í lúngè.
Angò angpè angmè ní nø mongzøng dvci cerì íwe mvdvmø Kvmnønt tvrà svng nvmlat vtoshì lúnò rì íē. Angpè lvnshi pè nø Dvci cerìo shølshú vgo íe. Shølshú vgo pè angni shvrúng we Tìløp Sacramentu lòng svng ngvmshì we mvring cerì taqkèní gø Kvmnøntní vtoshì bø’ì. Angpè bøng nø Angelo To Puia ínø Noqngøm Chøm, Shvrúngshú Chøm, Paqzi zong rì wàlvm dvpvt Angò sun rvgaq svng Vlu zí yangà. Vkangpèo mvsøn nvrøm meò Sasvna wa mvdò rì nø Svrabín Koqkvm Leo (13) ò dvbúng we í (1882) taqø tuq yangì.
Shànshér pè Peter To Rot kaq shvgùn shvringshì pàdø Yalòng bóy nvng tvpwa Solomon sunlúngò (47) nøng vhø’m lutshì lún kvng lún we angni gø ínø móngdàn me zvndvtut mongzøl lòng taq vl lúnlvm rvt Missa Noqngøm vdòng taqø vjúrøt dvbvngà bø’à.
