Gvray móngdàn nø tuqlvm “Angni vhø̄m ráì, Gvray móngdàn gø tvp níshì daqì.
Shvngbe mvdvm Gvray mongzøl lòng laqtuqdaq.
Dènio Gvray móngkà svng Dvdvm vjáng taqsórí nònggùn vzí ké lvm Gvray dvbùshang móngkà nø (Mati 20:7-15) vdòng taqkèní íē.
Vpø’ íwe pèmè vnvmchvngmaq, Cvmré rì mvdvm vlømshì Nønt, dvdvmà nønt tē lòng nø shaqré rì yv’ng toni kèní vl v-du lòng íe. Angdecè rì taq íni gø, angnvm angchvngcè rì taq íni gø , nitvp we angcø angcè rì taq íni gø vzàng lvp àngmaqò lvpat mvnggá rì Vháng dvzvr mvyø íe. Mongzøl nø byō we lvpat taq cúnshì, vl dvzvr mvyø’ íe. Íni gø Cvmrérì gø’ vrvm vlømshàì dø mvbø’n lùng. Àngde ínø angmaq kaq svng Paqzi shá dvzvr mvyø’ì nigø, angmaq nø dvgá tiqlvp tiqlòng lòng taq Nønt lúmè. Angdèí nø angmaq svng vdá mvgam we lvpat svng vtoshì dvzvr mvyø’ì we íni gø, àngmaq nø dvshá we lvpat taqø vkøn nø cúnshì v-duè.
Vrá nø, yalòng nø Mònggvn rvgaqtøm Toniò vtong íe, wànø shønlvm mà ? Àngde í Vlømvmì dø mø-í ra dvgvp Cvmrérì kaq svng angde í kadø wā vtá:na lvm i mà? Dèni Kà dvtutshú pe Ezekiel mongkà taq gø, Gvray gvsang ínø ” Cvmré lvpat yv’ngø Israel svng Ngà shóngshøng rvt àng kaq Ejip móng kèní go bø’ngà.Ngàí gōngò dvsha sha, àngmaq nø ngà taqkèní vcar mvnshì nø Pāranat nvng Pvra hang rì svng ngórdorcì í mvtnò nø noqngømòe, wā shø’nè. Íni gø vkvtdø shvngvrshì we Israel svng angí mvkú:rò nø, vsvng Nønt ku shv’mná høpnøntní v-toq v-tìp we mø-í dø, Gvray Nønt nvng dvshá zā mvkok dvdí shóngnøntní v-toq v-tìp lvm íe, wā chutchvng we tvrà taq Kà shvdiq zí shì yangì. Ezekiel wàwe angbøng nø chutchvng we wàwe ang lvjøm ínø, Kà dvtutshúpe ang lvpat taqkèní vpnóngshì nø Gvray gvsangò dvkv’m Kà rì svng shvkse nvng tvpwa dvshvng lvm, Kà shvdiq mvdøng we góngnvmshì me la, Koma svng shvzøngshì bø’ì. Yalòng nø Kà shvdiq mvdøng we, Israel mø-í ni, Vsvngrì mvdvm taqø Gvray gvsangí gvlo we chutchvng we, Kà shvdiq Gvray gvsang shóngnønt dvrá svng dvtánàe. (Mati 20:25)
Vrá nø;…. Gvray móngdàn nø tuqlvm “Angni vhø̄m ráì, Gvray móngdàn gø tvp níshì daqì. Nøt èlíngshìnøng nø, Dvbùshv̀ngkà svng èkv́m ránøng,” wā (Mako 1:15) Vdòng taqgø Vkangpè Yesu í dvkv’mè. Vpø’ íwe pèmè vnvmchvngmaq cúnshàì we lvpat taq lvpat (100)nøng rvzé lvpat gø’ngzøl dø cúnshì lúnlvm mvdvm Gvray móngdàn Pvlàcè lvpat taqø dvciq lvpat gønshaq cúnshì lúnlvm nø gvzà vchvkngè. Wervt chutchvng we Kvmnønt tvrà taqø Kà shvdiq dø’ngvng dø cúnshì taqsórí shvkse wáshì laqlúni wvng dvshat nø nònggùn zí mvyøngè. Shvngbe svng oqā.
