Vmpa vm dv’ngí wá mvdaq we Vyáshì lvm (8) mvtú

(1) Mvløt aq mvdaq we Dang….
Vmpa vm dv’ngí cigaret Mvløt 1 dam aq shì lòng nø angwa rvtø taqø cigaret Mvløt (10) dam aq shì lòng nvng vbónge, wàe. Vrá nø, Cancel yoga gø yoryorcè bø’n sháò dang ci paqzi vde rì í dvkv’m dang vkvtdø yv’nglúnshìe.

(2) Nvmsi rì dvchv’n dvnv’n vm mvdaq we…. Vmpa vm dv’ngí kí pvn Nvmsi rì vmshì lòng nø Mvjò we laqya tiqlòng gø íe, wàe. Jø’ngjøng Vmpa vm dv’ngí chàng Nvmsi cøqì lòng í nø poqke taq nvmbøng bøng nø, boqkè dvpvt svre lvm rì bø’n sháòe. Wervt Vmpa vm dv’ngí rvtø 00:30 minutes vlé am mèpvng vmshì nìnø téwa shvlàe, wā paqzi zi we vlē. Shiqshan tvrà taq Paqzi vl we Hotel rì, Vm-aq sing me rì taq nø, Kàshvbóng Kí pvn tvle chongmū a:bóngshaq (mø-í nìnø) Kø’m a:bóngshaq Kípvn vmlvm tvle zíò lòng svng yv’nglúnshìe.

(3) Lvpetyē me-aq ni.
Lvpetyē vchuchot taqø acit dvt mvmè vbá nø, welòng ínø Vmpa Kv’n taq vbá we protein dvt rì svng vgámo nø vmpa jøtngà we taq gø vgám sháòe.

(4) Vmpa vm dv’ngí chàng juq dvchvt (mø-í ni) shvrù:m shvyúmshì nø gwáshì lòng nø poqke svyø rì svng pvlø:p kéò we í svyø tvrà rì svng shøqké sháòe, wā paqzi zi we vlē.

(5) Vm dv’ngí chàng vtì shvlshì lòng nø wur, hí nvng tiqgóng shvngbe taq vl Shvwi dvríshì lòng vháng nø, poqke shvnvng Shvwi dvríshì dang taq yúm sháò rvt Poké í shvlá wā bvnlì wá mvlúnò, wā dvkv’mè.

(6) Wvtwvt tvrà dí mvdaq we..

Ca rvmvng shaqré rì nø, Vmpa vm dv’ngí chàng kí pvn è vm, (mø-í ni)Hí mvr (200) èdì wàwe Kà vl yangì. Wè Kà nø Mvjò we dang dèni la ci paqzi vde rì taqkèní shvdøngò dang yv’nglúnshìe.

Ang mvtú nø, Vmpa vm dv’ngí chàng wvtwvt dì lòng nø poqā zá sháò nø, Vmpa Kv’n taq vbá we Ahāraq cøplvm rvt Vmpa jøtngò we taq v-tu vgám sháòe.( Vmpa vm dv’ngí nāmwàce vl ràe wā Kà nø mø-í) Shiqshan tvrà nvng vbóng vtuk lvm rvt vm dv’ngí yúm vtv’ng (15) minutes dv’ngte rip ma ràe. ( mø-í ni) Nāmwàce angwa dø díā ràe, wā paqzi zi we vlē.

(7) Me yøp ni.
Vmpa vm dv’ngí chàng vyvlshì yøp lòng nø Vmpa shvlá wā jøtngà mvlún nø, poqke yoga bø’n sháò we mvdvm, svyø rì kaq svng yoga rì góng sháòe.

(8) Mvnshì we wá mvdaq.
Me Mvnshì we vzàng kaq (2:00) dàm rvze dv’ngte Vmpa evm. mø-í nìnø dvjú dvjà mvkvng we (mø-í nìnø) dvchv’n dvnv’n nvrøm narshì nø gønshaq vmv’ng sháòe, wā shiqshan tvrà nvng singdø Paqzi zi we móngkà taqkèní dvtit tvle shì we íe.shvngbe svng oqā.