Pvngwà Nøng Mvrim Cvmrérì svng kadø shvngøt dvtúlvm
Cvmrérì nø nvmlvt gvlò we rvtø kèní pvngwà nøng shvni mvtuq rvtø høq angmaqò vgo mvcì nø flexible íwe rvtø írvt Angpè angmè maqí shvngøt dvtúlvm Train shvngøtlvm cvnshìlvm mvsvtnò dang cvndøng dvzvrlvm gvza shvla we rvtø Mvrim íe.
Wervt nøt nvng sing we Paqzí barvgu vdèrìí cvmré tiqgø svng vsvt pvngwà nøng shvni mvhøqò Mvrim rvtø taq Angpè angmè maqí shóngshì dø shvngøt dvtúlvm shvlá vtvng ínø gvza yuqya we rvtø íe, wae. Yarvtø taq angmaqò vgo møcì nø setgat vrvm taq Neuron angkíng angmùn dvdvm vjáng nøt dvríshì we svng shálún shìe. Wervt cvmré nøt dang Paqzí vdèrìí cvmré goqni kení (5) nøng dvhø høq Discipline Year dvtúlvm dvrá nvng shvngøt rae wae.
Wervtø taq Angpè angmè maqí shvla we shvngøt dvtúlvm íninø angmaq shvlá mvchacè cvnshì lúnòe. Pvngwà nøng vle ráì rvtø taq nø zònglùng rvtø høqatnà írvt zòng kèní mvíninø, shvnvng taq vl rvmnvng rvmboqrì taqkení laqyārìí zíngkéò rvt shaqrérì shvngøt kà svng tácvm mvwáshì lònge. Wervt cvmré tiqgø lvpat angshvr rvtø íwe New born-5 years (Cvmré goqni kení pvngwà nøng dvhø) rvtø taq shvlá mvchacè shvngøt dvtúlvm gvza vchvk we íe.
Angpè angmè maqí cvmré pvngwà nøng shvni mvhøqò rvtø taq (1) Pvn vrvm svng cvnshì mvyø’ nøtzánglvm shvngøt rae.(learning activities rvtø mvnmvn dvtúlvm)
(2) Angde de wá dvzvr we, dvzaq shìlvm rvtø zí ràe. Angpè angmè maqí bvnlì màdvtú we dang nø màshvla we íe.
(3) Góng Shvnshér shìlvm angwa wa bvlaqrì zvrshìlvm dvtú Rae.
(4) Oqà wáshánøt shvngøt ràe.
(5) Vléò mvrà svng sorry vchvng shìshálvm shvngøt ràe.
(6) Shvngòshì vbønshì nø shòng pvn mvrøt shìlvm shòng pvn svng (Please) wanø røtshì shálvm shvdúm ràe.
(7) Nøtyvng shì shálvm shvngøt ràe.
(8) Rvmnvng rvmboqrì nvng vrvm vráshì shálvm shvngøt ràe.
(9) Dvgá rvmnvng rvmboq rì svng dvbvng shálvm shvngøt ràe.
(10) Kà shøn vyáshìlvm shvngøt ràe.
(11) Chøm døngku vdùng taq bvnlì dvbvng shálvm angwájòr we bvnlì dvtú ràe.
(12) Tiqni vdùng taq angwá ràwe yup rvtø, vmrvtø, Shvnshér shilvm nvng shiqshvnlvm rvtø daily routine yarì wáyahøq shvngøt ràe.
Angpè angmè maq taqkení mvdvmø dvtúshì dangrì svng cvndvgømì nø shvngøt mvkøm dvtí roqgvl nø tvrà shøl ìkvt Paqzí dang ABC/ 123 rìsvng cvnshì mvyø’ nøtní Paqzí cvnshìlvm dvlú dvgø’dángshì bø’ì we cvmré tiqgø ídaqe.
