“Svrabín Koqkvm Leo XIV nø Nunger Jeriarh taqø yv’ng màzaq dø shvt vhø’m bø’à rì dvpvt vjúrøt dvbvng we”
Ya shvlá Jun (13,14)ni dørøm taq Nunger Jeriarh móngdàn, Yelwata Myoq,Guma vmìng vkangò singang we taq vsvng (200) gø’ dv’ngte yv’ng màzaqdø shvt vhø’m bø’à we íe. Shvt vhø’m bø’à we vsvng mvmè nø, vzvlshì we dvshá hot rì ínø, Catholic shvngømré sasvna kèní tùbùm kupgār dvbvng shì rì íē wā shálúnshìe.
Svrabín Koqkvm nø Nár ni v-yv’ng mvlung vjúrøt Noqngøm rvtø tvyø vdòng taqø Nunger Jeriarh móngdànò shønglùm lvm, lún kang Dvrá rì lúnlvm, Mongzøl lvm dvpvt vjúrøtnà lvm rvt, téwa nø Benue Myoq taq vl v-toq v-tìp tvrà yvk we rvgaq taq vl rvzvngcerì dvpvt nønt bù:m we dang, pàwàlvm wàni rvzaq we rvgaq taq vl rvzvngcerì nø v-tu v-re vhø’mò lòng í zømwang nina rì ku íwe dang gø vkvtdø dvkv’m bø’ì.
Vkvtdø yv’ng mazaqshì dø shvt vhø’m bø’à lòng nvng singdø Nunger Jeriarh móngdàn taq vl døng we Mònggvn vlún vkvng rúng kèní bvnlì ri vsvng í Nunger Jeriarh Vsuyaq vmìng vkang vl rì kaq phone go nø ni vrvm shvwi vyø we ang dvja rì svng tiqdvshaqí nāràlvm rvt, vsvng shvt vsvngrì kaq svng gø Dvrá Rvpra dø tiqdvshaq í pvranà lúnlvm rvt gø røtnímshì bø’ì.
