Dvgv́mshi mvdaq we
Vrá, cārvmàng vsvngrì kaq nø, ‘Nà dègv́mshì lòng poshì mvdaq; Kàngpè kaq dègv́mshì bǿì lòng nø wá dvgø̄m ràe,’ v̄l yà:ngà kà namaqí vtáshaq íe. Iwe, Ngàí namaq svng v̄la:tnìni: Bvttut mèdègv́mshi nø̀ngni. Muqlàng svng tvnu nø̀ gø mèdègv́mshinøngni. Kadø íe wani muqlàng nø Gvray koqkv́m rúngtv̀ng íe. Rvgaq svng tvnu nø̀ gø mèdègv́mshi nø̀ngni. Kadø íe wani, rvgaq nø Ang hí vzv́lshìrà mvkø̄m íe. Yerusalem svng tvnu nø̀ gø mèdègv́mshi nø̀ngni. Kadø íe wani, Yerusalem nø Koqkv́m Vtv̄ng pèò wamà íe. Nà vgo svng tvnu nø gø dvgv́mshi mvdaq. Kadø íe wani, nàí nø vni tiq hǿngcè svng lvmùng dø lvnaq dø gø̄ wá mèsháò. Iwe, nà nø, ‘Í lòng nø íe; mø̀í lòng nø, mø̀í,’ wa mv̀ng shǿn ràe. Yakà ní mvdv̀m mvzv́n èshø̀:nò we kapà ínìgø, mvgv̄m vnaq pè kèní būng we íe.
