Australia móngdàn Gasmyoq Paqzi zong yv’ng shvnvtní v-wà:pke banchvk taq shì bø’ì vsvngrì dvpvt Svrabín Koqkvm í vjúrøt dvbvngò we
Nár vshøm ni vrvm vsvng mvngpòng nvng vhø’m we taqø Svrabín Koqkvm Leo nø Jun 10 ni 2025 Nár v-ní ni taq bø’n bø’ì we Australia móngdàn Gasmyoq
Dreierschutzengasse mvdvm dvtang zong taq shvnvtní v-wàpké bø’ì we banchvk taqø shaqré tiqpè vba nø 10 gø’ shì bø’ì, 12 gø’ mvdvm dàmmá lún bø’à we taq Svrabín Koqkvm í vjúrøt dvbvng bø’à.
Oh..Vpè Gvray gvsang shì bø’ì we Cvmrérì svng Vkangpè mongzøl we taq natōa shà wā vjúrøt dvbvng bø’à nø, Nønt mvsøn vdòng kèní svre vnv’n bø’ì we zong mangce rì, Svra svramaq rì, Døngku vsvngrì nvng tiqdø v-li dang Svrabín Koqkvm taqkèní lvpshi bø’ì.
Jun 10 ni 2025 Nár v-ní ni vsháng tut taq Australia gasmyoq Dreierschutzengasse mvdvm dvtang zong vdòng kaq svng lvpat (21) nøng í we zongmangce anglí tiqpè gòng nø shvnvtní wà:p we wà bø’à rvt
Shaqré tiqpè vba nø 10 gø’ shì bø’ì nø, 12 gø’ mvdvm dàmmá lún bø’à. Yalòng nø Australia móngdàn taq vzàng kaq mà-vl mvbø’n we Yòrlvm mvshøl meyvng màná dømrø tiqlòng gø í bø’ì.
Nøngmaq móngdànò mvshøl taq dø vtv’ng vdòng kaq vjá a:mì we angni, mà dvdvm shì we banchvk, Yalòng lvngaré pèo laqya mvgvm vtv’ng mvbøn lú:ngì nøngmaq kaq svng svre dvkut dvzvr bø’ì. Yalòng shiwvt mvbøn rvt Yòr we mvsat dingsat ku (3) ni høq shvngkà dvkang bø’à wā móngdànò mvshølmezøp Christian Stocker kèní shøn bø’à.
Uroqba móngdàn shølshú vgo rì taqkèní gø yalòng banchvk me rvt Yòr we Nønt shvløm Kà dvkang bø’à. Paqzi zong rì gø vzàng kaq Vløm ra nvng Cvmré dvtø’ng shì lòngò gømlā dvtanshì lòng íe. Íni gø Paqzi zong rì gø Shì lvm lòng nvng Shiwvt dvbunglvm ra bøn lúngì dang nø laqni vtolvm rvzaq a:mì, wā Uroqba comission vgo Ursula Von Der Leyen kèní mvt-chat dvkv’m we wà bø’à.
Uroqba Køni móngdàn v-toq v-tìp Muwadaq nvng sing we vgo pè Kaja Kallas í yalòng mà shvlá vtv’ng mvbøn nø nøngmaq shvngbe svng vnv’n dvzvrè. Jø’ngjøng èshøn lúngò dvgvp Cvmrérì nø zong yv’ng shøtshú dv’nglúnce vl ràe. Svre lvm nvng Shiwvt angpvn pvn yv’ngkèní lutshì vdòng taqø Paqzi cvnshì ràe, wā v-nv’n taqsórí dvkv’m bø’ì.
Australia móngdàn Gasmyoq Paqzi zong yv’ng shvnvtní v-wà:pke banchvk taq shì bø’ì vsvngrì dvpvt Svrabín Koqkvm í vjúrøt dvbvngò we
Nár vshøm ni vrvm vsvng mvngpòng nvng vhø’m we taqø Svrabín Koqkvm Leo nø Jun 10 ni 2025 Nár v-ní ni taq bø’n bø’ì we Australia móngdàn Gasmyoq
Dreierschutzengasse mvdvm dvtang zong taq shvnvtní v-wàpké bø’ì we banchvk taqø shaqré tiqpè vba nø 10 gø’ shì bø’ì, 12 gø’ mvdvm dàmmá lún bø’à we taq Svrabín Koqkvm í vjúrøt dvbvng bø’à.
Oh..Vpè Gvray gvsang shì bø’ì we Cvmrérì svng Vkangpè mongzøl we taq natōa shà wā vjúrøt dvbvng bø’à nø, Nønt mvsøn vdòng kèní svre vnv’n bø’ì we zong mangce rì, Svra svramaq rì, Døngku vsvngrì nvng tiqdø v-li dang Svrabín Koqkvm taqkèní lvpshi bø’ì.
Jun 10 ni 2025 Nár v-ní ni vsháng tut taq Australia gasmyoq Dreierschutzengasse mvdvm dvtang zong vdòng kaq svng lvpat (21) nøng í we zongmangce anglí tiqpè gòng nø shvnvtní wà:p we wà bø’à rvt
Shaqré tiqpè vba nø 10 gø’ shì bø’ì nø, 12 gø’ mvdvm dàmmá lún bø’à. Yalòng nø Australia móngdàn taq vzàng kaq mà-vl mvbø’n we Yòrlvm mvshøl meyvng màná dømrø tiqlòng gø í bø’ì.
Nøngmaq móngdànò mvshøl taq dø vtv’ng vdòng kaq vjá a:mì we angni, mà dvdvm shì we banchvk, Yalòng lvngaré pèo laqya mvgvm vtv’ng mvbøn lú:ngì nøngmaq kaq svng svre dvkut dvzvr bø’ì. Yalòng shiwvt mvbøn rvt Yòr we mvsat dingsat ku (3) ni høq shvngkà dvkang bø’à wā móngdànò mvshølmezøp Christian Stocker kèní shøn bø’à.
Uroqba móngdàn shølshú vgo rì taqkèní gø yalòng banchvk me rvt Yòr we Nønt shvløm Kà dvkang bø’à. Paqzi zong rì gø vzàng kaq Vløm ra nvng Cvmré dvtø’ng shì lòngò gømlā dvtanshì lòng íe. Íni gø Paqzi zong rì gø Shì lvm lòng nvng Shiwvt dvbunglvm ra bøn lúngì dang nø laqni vtolvm rvzaq a:mì, wā Uroqba comission vgo Ursula Von Der Leyen kèní mvt-chat dvkv’m we wà bø’à.
Uroqba Køni móngdàn v-toq v-tìp Muwadaq nvng sing we vgo pè Kaja Kallas í yalòng mà shvlá vtv’ng mvbøn nø nøngmaq shvngbe svng vnv’n dvzvrè. Jø’ngjøng èshøn lúngò dvgvp Cvmrérì nø zong yv’ng shøtshú dv’nglúnce vl ràe. Svre lvm nvng Shiwvt angpvn pvn yv’ngkèní lutshì vdòng taqø Paqzi cvnshì ràe, wā v-nv’n taqsórí dvkv’m bø’ì.
