Svrabín Koqkvm Leo (XIV) Spain wunjichuk nvng phone kèní v-toq v-tìp dvman bø’ì we
Svrabín Koqkvm Leo (XIV) Shvngáni (Jun 11)ni, dørøm lvp taq Spain wunjichuk Pedro Sánchez Pérez-Castejónkaq phone kèní vhø’m nø, Àng Svrabín Koqkvm bvnlì rí lvm dvpvt nvmlat pvngshì Missa Noqngøm we taq dì nø lúm bø’ì we Spain Koqkvm pè Felipe nvng Koqkvm mè Letizia ní svng gø oqā wā dvman nø shø’n bø’ì.
Svrabín Koqkvm nvng wunjichuk nø v-ní móngdàn dvpvt gvzà vchvk we bvnlì mvtúrì í we mvjvn rvt dvshà mvhøt vhø’mò bvnlìrì, dvtut Banchvk rì shvcøm lúnlvm rvt nvng vsvngrìo ang dvgùng rì roqgār lúnlvm rvt léshì shvla we dvbā vrvng lúnlvm dvpvt sø’mdvng dang vra shì bø’ì.
Spain wunjichuk taqkèní gø Svrabín Koqkvm kaq Spain móngdàn svng dvbùshang díā lvm rvt,Duqdaq we shvlá taq Spain móngdàn Seville myoq yv’ng vbi (4)paq wa paq móngdàn vrvm vháng vlúnlvm gvmsung dang nvng singdø lìpong me vl lvm dang shøn bø’à wā Vatican Shvngkàdvp kèní mvsat dingsat shvdø’ng wáshì nø dvtanshì bø’ì.
