Pentecost Shvnshér Pvlacè lāshì daqì we bóy ni
shvngbe vmàng àme. Angmaq nøtshøm dvbù lvm svng kagø’í gø tìn gvyaq lúnlvm mví. Shànshér Pvlàcè angshí mv̀ng nø shóngnøt, dvbùnøt, mòngzø̀lnøt, nøtyv̄ng nøt, mvkok dvdí nøt, nøtshvlá nøt, nøttǿng kv́mvm vrvm nøt, køn nøt, vdè góng øpdv́ngshì we, yarì íe. Yadv́ngpv̀n svng vgámò we dvrá nø màvl. (Galatia 5:22)
Mòngkà vnítut dvzvr Poloí Kàngpè Yesu svng vgo gvlò nø góng tiq lòng wa íwe shvngømré rvcángcèrì svng Shvnshér Pvlacèí dvshvt dvtú nø vháng vlúnlvm gønshaq jèjú wa shvngøt we íe. Wervt nø Pentecost Shvnshér Pvlacè lāshì daqì bóy angnī svng shvngømré gvlò we birthday angnī wae. Shvnshér Pvlacè nø shvngømré taq gø vsvng gø’ vrvm mvdvmø bvnlì waòe.
Nøngmaq nø ang dvgv̀ngrì íshà rvt angrø angbø vcatvm, vshúngvm ninø svmií dvkvtò nø Shi lvm wa íshàe. Shvnshér Pvlacè svng kagø’í gø angkàng wá mvlúnshì. Kàngpè Yesu svng cøpnøtní røtshàì. Nvmbøng svng kagø’í gø angkàng wá mvlúnshì dø Shvnshér Pvlacè svng kagø’í gø angkàng wá mvlúnshì, Nvmbøng nø vle. Nv̀mbø̀ng nø ang wá mvyǿ yv́ng svng wa nø, angshaq nàí ètáò we ínìgø, kayv́ng kèní wà ráì we nvng kayv́ng svng wavm we nø mèsháò. Pvlàcèí vgv́lshaq vsvng gǿ vrv̀m gø welòng dø íe,” (Yohan 3:8)
Shvnshér Pvlàcèí nø ngønsharì svng gvyaqò dángi vsvngrì svng nø Gvrayò chømdøng íwe shvngømré vdùng taq mòngzøl dø mvngū v’l dvzvr shàe. Apè íwe Gvray Gvsang kaq shóngshìlvm nvng Gvrayò angcø angcèrì íshà we vsvng shvngbe svng angnvm angchvng shóngnøt vl dvzvr we íe. Pentecost Shvnshér Pvlacè lāshì daqì we bóy ni taq vchvk mvdøng nø shvngømré vdùng taq vrvm vrálvm cømsaq mòngzøl dvzvr lvm waì.
