“(Vatican) Website Hang Dvla Desai’s Tvlíng We”

The Holy See wā tø’shì Vatican Website ò Desai’s kaq gundvtøp we vsvngrì dvpvt téwa shvlá lvm rvt tiqdvtàng dvcøp vdv’ngshì dang 28 May 2025 taq dvtan bø’à dang svng vkvtdø yv’nglúnshìe. Dèni laò Desai’s rì nvng contents rì ang hang svng tiqkvt vrá dvcøp vdv’ngshì bø’ì rvt gundvtøp nø yvng lvm, rø lvm vsvngrì dvpvt vzàng mvdvmø téwa shvlá bø’ì dang svng yv’nglúnshìe.

Catholic shvngømré sasvna meò Kvmnønt, shvngøt dvtú dang, Dvrá rì, cvndvgøm shì rì, Svrabín Koqkvm rìò dvtú Kàru rì, Dari vkop akang rìò shvngøt dvtú Kari, Sasvna Councils lìpong me rì, Sasvna mvshøl rì, lìpong me rìò rvt Kà rì, Ya mvzøq ku, lvpat zidvng ku Sasvna meò Dvla shvkse rì, Noqngøm tvrà nvng sing rì, shvngømré meò (Canan) Upvdi Dvrá rì, Catholic shvngømré meò vzø’m vzàp shvngøt dvtú Kà rì, Døngku tvrà, Zilangré tvrà, dvbùshang Sasvna nvng sing rì, Sasvna meò angké rúng rì, Vatican øp kang Dvla rì, dvbùshang tvrà rì, Vatican Karu dvtan Chøm ( libary)rì, Ecumenical Councils rì, Sasvna meò móngdàn ku, Mongwál (Continent) ku shipan rì, Shvrúngshú rì, Sister rì, Brother rì, Kà shvdiq me (3) dvtvng kàmshì bø’ì dvzø’mshú mvdò rì, Catholic shvngømré nvng singdø shá v-du, gùn dvtøp mvyø’ dang vrvm svng yalòng Vatican website mè yv’ngkèní dvrá shàng gundvtøp yv’nglúnshìe.

Catholic shvngømré sasvna meò tvrà dang rì svng shá mvyø’ gø’ gø, téwa shá mvyø’ dvtøp mvyø’ gø’ íni gø, vsvng vrvm shamung shanaq mà rvweng cvnshì lúnshìe. Kvmnønt tvrà vháng lvm vl nø, Síngràl Nyan Bvnya gø vda mvgam lvm vlē. Dak dvdvm we taq gø vháng lvm vlē. Paqzi cvnshì rì nvng vháng vtv’ng Master’s degree cvnshì rì, Doctorate cvnshì rì, Karu gundvtøp rì dvpvt macvnshì mvdaq lushì ra pvn rì , Bé màtv’ng we Sasvna meò Kvmnønt tvrà, Noqngøm tvrà, shvngøt dvtú tvrà, cvndvgøm lvm dang rì mvmè shálún lvm vlē.

Mvsøng lvm; Myanmar Kàru taqkèní nø gundvtøp we wámvlúnshì.Website yv’ng Myanmar Kàru í shini tvlíng we mà-vl rvt íē.