Svrabín Koqkvm Leo XIV nø Castel Gandolfo mvring kèní Borgo Laudato Sì tøngnø Chøm kaq dì taqsórí vriq we “
Svrabín Koqkvm Leo XIV nø Castel Gandolfo kaq dì bø’ì nø, wà yangà we tøngnø kaq svng àngshvr tiqkvt tvlíng nø Borgo Laudato Sì wàwe tøngnø chøm svng gø dì taqsórí vriq bø’à we íe.Svrabín Koqkvm Leo XIV nø, ang vzàng kaq Svrabín Koqkvm Francis kèní pvngshì bø’ì we Borgo Laudato Sì mvnggá svng gundvtøp lvm rvt, Castel Gandolfo mvring kèní Svrado tøngnø kaq, Nár vbi ni, v-tiqlvm zaqle tvrà búng bø’ì we íē.Papal Villas vdòng taq vl Borgo Laudato Sì (“Laudato Sì Mvring”) nø nøngmaq ” vsvngrì shvngbeò Chøm ku ínø, Mònggvn svng shvngøt we chaqdvp dvnúng shì we shvra gø ínø, ” kømzøp we doniò dvrá” vjang laqya shvlá dvtan we shvra tiqlòng gø íe. Yalòng encyclical svng wè bøng zíshì we mvdøng Dvrá tiqlòng gø íe.
Castel Gandolfo kaq vriq we rvtø, Svrabín Koqkvm Francis nø 2016 nøng taq Tong laqya dvtan Chøm ku yv’ngkèní tvlíngà bø’shà we Dvzvr tøngnø kaq svng gø dì nø vriq bø’à.
Vlē á:mì nøng la taqø Laudato si’karu bok svng wà bø’à nø Svrabín Koqkvm Francis ínø nøngmaq shvngbeò Chøm nvng singdø roqgār lvm rvt vchvk dang svng Gá lòng dø èzí bø’shà._Castel Gandolfo mvring kèní Svrabín Chøm shvnvng Egaq 20 dv’ngte tē we gurwang, sun wang Chøm rì,greenhouses nvng bvnlì wà Chøm rì gø vbáè.Wè encyclical Karu taq dvkang shì we angké dvrá rì svng chaqdvp dvtan lúnlvm rvt gvzà v-du we shvra tiqlòng í bø’ì.
The Borgo Laudato Sì nø Wurlaq wà rì nvng Paqzi vde rì, zongmangrì, College zongmangrì wā mø-í, dvshá hoq vsvngrì kaq svng gø vtōe,. Svrabín Koqkvm Francis shóngnønt dvnzøng rì svng gø wè vdòng wangzā rì, shvnìp shvnar vhø’mò svmaré rì, shagóng vnø’n rì, Paqzi tvrà taq yvklvm vhø’mò rì, dvgá vrù rapvn vm-aq we taq nønt vyuq rì vsvng mvmè kaq svng gø vtōe.
