Nøt dvshàlòng nø dvbùlv́m vpōlong we
Kàngpè Yesu anggóng svng mvyvngshì nìgø Shvnshér Pvlacè Gvray taq nøngmaq nvng tiqdø v:le. Deni tábøshà mòngkà taq nøtshøm dvbulvm dang nøngmaq shvngbe dvpvt egvlāìe. Nøntshøm dvbulvm nø vsvng gø’ vrvmí láì we dang tiqpvn gø íe. Deni Kàngpè Yesuí zi we dvbulvm dang Sha góng wa mví, Pvlacè dang høq dvbulvm vle wa dvtú bø’à.
Wedø ínìgø dvshà mvhøtlvm nvng tønshìlvmrì wa vhøm shìe. Deni yarvtø taq vhømì we dvshá mvhøt vhømì we dang svng angcè gv̀llv́m rvtø̀ vhø̄m ra kvt puqnøn za weí nøt dvshà lvm vhǿ:mò we Svmaré tiq mè nvng vbú:nge wanø dvtú we íe. Palvm dvshà mvhøtlvm svng angcè gvllvm svmaré nvng vbónge wa shønemá wa ninø angcè gvldáng bø’à mepvng nøtdvshà lvm vnáò nø dvbùnøt svng le lúnòe. Kàngpè Yesuí ya kà shvbúng nvng rvgaq dvbùlvm svng nøngmaq dvpvt lángà ìe. Cvmrérì nø Shvnshér Pvlacè Gvray nvng tiqdø vlvt, Angpè angmè maq svng dvbúnøt zílúnòe. Nøngmaq shaqrérì gø vjúrøt shàìninø, røtshàìdøni Gvray nvng vzømvm ninø nøtshøm dvbù lvm dang lúnìe.
Kàngpè Yesuò dvshà mvhøt nvng Wurgáng taq Shi wedø nøngmaq rvcángcèrì gø nøtdvshàlvm, dvkì vrè we dvshá mvhøt lvm mv-vlwe nø mví. Ya dvshà mvhøt lvm svng tønshìnø vle bø’àmì mepvng shøn mvtømshì we nøtdvbùlvm lúnshì daqe. Wervt nø zvn dvtut vjúrøt dvzaq dvkáng shìlvm waì. Kàngpè Yesuí zìwe nøtdvbùlvm svng lutshìlvm ka dvgvp màvmvng màgvyaq lvm rvtø vrvm taq vjúrøt shìlvm waì.
