Edvn shì shaq dvnkà shèdøngò.

Mòngzøl ngøn ngun we døngku tiq lòng vtvng lvm rvt, pazí (Zi) we Kàru bok rì taq dvnkà døng we nvng sing we tiq hvncè gø màbá mà-ruò ni nø køm zøp we kàru bok wa nø shøn ma shvlà, dvnkà døngo wa we nø,nà tiq dvng vsvng nà eshóng shì we vsvng rì nvng kadvgvp gø shóng nønt vzøm vzvp we taq gvza kùng ngà vl we tiq lòng íe.Nà taq gø na lé shì we àng dvng dvng dv_vl ni. I we dvnkà døng we vsvng tiq gø la èí ni nø vsvng loksok nvng vzøm vzvp we taq shvlà we vjú lún lvm vl padø nà svng kà døng we vsvng wa nø eyvngò ló:nge.

Vrá I we nvng nø dvnkà mè døng we vsvng èí kvt nø na tiqchøm vsvng rì nvng shvnvng vl we shøm gwør vsvng rì í gø na èshøn kà rì svng pa ti mv-lvn Lu:ngò.

Àng dang dang taq dvnkà me døng yà:ngi we rvtø rì na taq gø dv-vl ni,àng dang dang wa we taq nà èshøn èkvm shì da:ngí nà ná ò we (mø-í ni) chv vnvn tiq pvn pvn bung long rvt wá me lún no rì svng wae.Dvnka mè døng we nø tiq kvt kvt cè wa íni gø rvtø Vrvm àng boq boq ni eí long ni mvkang gvba ílonge.
We rvt shøn we dvnkà døng we vsvng í lvm vchvk nge.