Yesu nø rvgaq gálòng íwe
Yh 8:12-20
Mòngkà èta shìnøngwe shóngshø̀ngwe vnvm vchvngrì Dèniò mòngkà taq Yesu nø rvgaq gálòng íwe dang svng tálúnì we íe. Yalòng jømciq taq Yesuí mà dvrá we bv̀nlì rì svng mvshóng wám shìwe dang àng tiqgóng taqkèní gø mà dvrá we ku kàngngé we ka dvgvp gø mvwá shì we svng yv́nglúnì e.
Yesu Kristu àng nø døngmvn we tvrà svng wa shvkse wáshì we íe. Wedø Yesu nø rvgaq gálòng íwe dang vtànò we íe. Nøngmaq tiqgǿ vrv̀m gø rvgaq yachv̀ng svng nøngmaq dvpvt gálòng íe wanø yv́nglúnì we íe. Gvrayí èzíì we gá lòng svng vto shì mvsháì nø̀ rvgaqí èzíì we gálòng svng wa vto shàì we bǿn sháì tvrà íe.
Yalòng nø pà nvng vbónge má wani rvgaqò gálòng wawe nø svmi tvróng døni zøvm, bevm we bǿn sháòe. Gvray àngò gálòng mvng nø kadvgvp gø bevm we mv-vl zøvm we mv-vl, nv̀mchv̀ng dø shór we gálòng íe.
Wervtnø̀ shóngshø̀ngwe pè, mè vnvm vchvng maq rvgaq dvrèrì mvdàm Gvray àng kaq svng wa nøngmaqò gálòng íe wanø vtoshàì taq só:rí vdèò gálòng svng gø vdèò cúnshì we lvpat tvrà taq tiqdv́ng vsvngrì kaq gø vwánāì we taqsó:rí cúnshì laqlúnì.
