“Vkangpè shóngnøt vdòng taq cúnshì lúnlvm dvkv’m we “(Yohan 15:9-11)
9 Vpèí Ngà svng èshòng dø, Ngàí gø namaq svng shù:ngìe. Ngà shóngnøt vdòng taq namaq v́ldv̀ng èwànø̀ng. 10 Vpè dvkv́mkà Ngàí cv̀nò nø, Ang shóngnøt vdòng taq v̄l dø tiqdvchá, namaq gø Ngà dvkv́mkà cv́n èdøngnøng kvt nø, Ngà shóngnøt vdòng taq v́ldv̀ng èwà lóngnønge. g
11 Ngà dvbù nøt namaq vdòng taq vl yv́ng kèní namaq dvbùnøt dv̀n zø̀nglv́m dvpvt, Ngàí namaq svng yadv́ng pv̀n dvtá bǿshà we íe, wā Vkangpè shø’nè.
Vpø’ íwe vnvmchvngmaq, Shóngnønt vjø’ng svng vtoshì lúnò gø’ vrvm nø, gam shvlá vtv’ng gø’ wā shøn shvlàe.
Gønshaq angkang Gvray Mvkok dvdí shóngnønt vjø’ng svng vtoshì lún bø’shà lòng nø vháng vtv’ng ring vtv’ng Gvray jèjú gønpaq íe.
Vrá nø, Jèjú angni bé ráì lvpat taq Vháng vtv’ng Gvray gvsang longzapè í nøngmaq kaq svng shø’n mvtø’mshìhøq èshù:ng íe, wàwe shvngkà mvdvmø té ring we kàyv’ng gø lá mvlúnshì. Nà, Ngà nøngmaq svng í dv’ng te shvngbe tvleā gø’ , zí gø’ kaq svng kagø’ gø màhø’mshaq màyv’ngshaq nø vl mvnà:mì. Nà Ngà nøngmaq rvt Ring vtv’ng vpø’ vtv’ng, íwe Gvray ngør dvgùng rì svng selàngò pè, Nà Ngà nøngmaq nvng tiqrá ílvm, svngzacè ku dì ráì pè, Tiqni rvtø taqø Nøngmaq àng nvng tiqdø vl lúnlvm rvt, Nøngmaqò shiwvt Mvra rì dvpvt shíā dvbvng bø’ì pè, kadv’ngte tēwe shiwvt banchvk rì bung ra nigø, Mvréza shóngnønt mvnø’nshì, mvkok dvdí shóngnønt nø kádvgvp gø mvril laril cúnshìe walòng, shì yv’ngkèní Zuná:mì we taq dvtanò pè, ang taqkèní dvgá Na Ngà nøngmaq kaq svng shóngshì gø’ mà-vl,.. walòng svng dvdvm nø kvmnønt Pvlàcè shagóng nònggùn kūnga lùshì dvzvrè. Vkangpè í nø Nà, Ngà nøngmaq shvngbe gø’ vrvm kaq svng vpø’ nøntní ègo í nø èshù:ng íe. Vrá nø Vkangpè Yesu kristu nø mvdøng mvdaq nøngmaq kaq svng røtnímshì we tiqlòng vlē. We lòng nø, Angí nøngmaq kaq svng èshù:ngì pàdø Tiqdvng vsvng kaq shóngshì ràe walòng íe.
Mà-vl bø’ì we Svrabín Koqkvm Francis kèní dvkv’m yangì Mongkà tiqlòng taq;-
“Nøngmaq nø rvzvngcerì í shàe wàì, lòng í wā mvkø’m mvzøpmì. Nøngmaq nø Cúnshì we Gvray móngkà taqkèní wā mø-í nìnø Nøngmaqò vjang laqya bvnlì kèní Kvmnønt svng shvdø’ng shvngvngshì cúnshì dvzá:ràe, wàe.”
Vpø’ íwe pèmè vnvmchvngmaq, Vpè dvkv́mkà Ngàí cv̀nò nø, Ang shóngnøt vdòng taq v̄l dø tiqdvchá, namaq gø Ngà dvkv́mkà cv́n èdøngnøng kvt nø, Ngà shóngnøt vdòng taq v́ldv̀ng èwà lóngnønge, wā dvkv’m dø tiqdvchá nøngmaq gø’ vrvm lvpat taqkèní gø cv’ndvgøm nø cúnshì, dvtan laqlúni wvng nònggùn zø’ng mvyøngè.
.
