Yesu dang shvkse wáshì rì
Yh 5:31-47
Dèniò Gvray dvbùshv̀ng mòngkà taq Yesu Kristuò mòngkà svng táò we ínìgø mvkám we dang rì svng tálúnì we íe. Yalòng mòngkà taq shvkse wáshì we dang svng gø yv́nglún shìwe íe. Shvkse wáshìe wawe nø vsvng tiqgǿ gǿ ò shø̀nkà, jàng laqyà rì svng jò we nvng mvjò we rì svng vtoā we tvrà tiqlòng íe. Wedø mvjò we ínì gø mvjò we tvrà ku shvkse wáshì we nvng døngmvn we ínìgø dìngwe, døngmvn we tvrà ku shvkse wáshì we tvrà íe.
Wedøni Kàngpè Gvray taqkèní gø lòngzàpè svng dvzv́rò nø shvkse wáā ráshà we íe. Wedøni Yesu Kristuò vzàng kaq tuqráì we dvzv́rpè Yohan Baptista taqkèní gø Yesu Kristu dang shvkse wáshìā ráà we íe. Ínìgø Yesu Kristuò shvkse kámshì we tvrà nø téwa døngmvn ngàngdøng ráì we tvrà íe.
Wervt nøngmaq tiqgǿ vrv̀m gø Gvrayò àngcǿ àngcèrì íshàwe dang nv̀nggøp kà kèní gø chvpdvp bv̀nlì taqkèní gø shvla we bv̀nlì rì wá dvzaq shàì we taqsó:rí shvkse wáshì lv́m wàì.
