Hí wur shì vsvng dvbā:nò we

Yh 5:1-16

Dèniò mòngkà taq Nárni taq za vsvngrì dvba:nò we dang tálúnì wegø íe. Wedø vneí mvyv̀:ngò vsvngrì, hí wur dvciq vsvngrì góng vzø̀m shì vsvngrì loksok nø Yesuí shvzǿmā lv́m dvpvt tìnúng shvnvngø caòe. 38 nǿng døp zà daqì we vsvng tiqgǿ nø Yesuí dvba:na lv́m dvpvt caò we ínìgø àng kaqsvng dvbang lv́m kagǿ gø mv-v́laò. We pè svng Yesuí yv̀ng bǿà wekvt chv̀ng dvbanā bǿà. Weni nø narni taq íe.

Wedø narni taq ínìgø narni wawe nø vsvngrì dvpvt íwe svng Yesuí sakse dvtan ráà we íe. Yesuí za vsvng gǿ svng dvbanò dvgvp “èbúng nà pvlu èzaq shì nø èlovm wa vlbǿà we chv̀ng za vsv̀ng gǿ gø kv́mnøt kèní àng za lòng zǿm á:mì.

Wedø kv́mnøt walòng nø vsv̀ng tiqgǿ dvpvt laqni vchvke walòng svng shvdǿm we íe. Yesu kristu taqkèní dvciq lvpat gø̀nshaq zí lún we kù:ngà vl pè íe. Nøngmaq tiqgǿ vrv̀m gø yaklv́m shìwvt rì àngpv̀n pv̀n dvhø̀ taq Gvray àngkaq svng kv́m vlǿm shàì we nøt kèní dvzaq shàì nø àng kà rì svng táì nø cv́n dvgø:mì we taqkèní cún shì lúnlv́m laqni vchvk we íe.