ꓖø̀nshaq v́mlv́m mvdø̀ng íwe
Zunbóy svng waì rvt Kàngpè Yesu nvng vhøm mvngū lúnìe wa kám ràe. Ang Sha nvng ang shvwi ezí sha høq nøngmaq dvpvt shi yvng kení zunámì, Kàngpè Yesuò shóngnøt svng kadø mvngúshì lvm má? Nøngmaq shvngbe svng kadangtè shòng we kaqsvng dvdvmlvm waì.
Dvzvr Polo Kàngpè nvng vhøm yvng kení coqcvn íráì we íe. Shóngnøt nvng vzøm á:mì rvt íe. Dvbū shvng mòngkà nvng vhøm vzømvm ninø mòngkà dvshvnglvm døngjá vlbø’shà, we rvt shóngnøt taqkení nøngmaq ang bvnlì taq nøtlømlvm waì.
Yesuí Ang coqcv́nrì nøt shvlø̀:mò we
Yohan 14:1-6, (may -16)
Deni Gvray mòngkà taq nøngmaq nø Gvrayò angcø angcèrì íshae wanø shvdume. Nøngmaq nø mvkøm zøp Sha we ínìgø, shaqcvmì nø mvrà vlìe wedø ínìgø Gvrayí kadangtè eshòngì we svng edúm daqò ninø zvn dvtut dvzaq shìlvm gálòng elún daqòe. Nà tvrà vmànlvm nahø’mò rvtø taq dvdvmlvm nø “Ngà nø tvrà nvng dìng lòng nvng gø̀nshaq ǿngàe wae. Kàngpè nø Gvray angcè ínìgø vsvng góng dvshøp shìráì rvt vsvng vrvm kaq shóngnøt ní vpø’shàe.
Kàngpè Yesu nø jøng jøng ni tvrà nvng dìng lòng nvng gø̀nshaq íwe svng nàtoò nø ang tvrà taq cvnlvm nònggun lushì, nøngmaq nøt dvshá mvrà Gvray kaq èkv́mnøng, Ngà svng gø èkv́mshà. Ngà Vpè chø̀m taq nø,
v́lrà gvzà v̄le wa dvshvte. Ya tvrà svng menáni, edúmò, dvzaq dvkáng shìlvm rvtø vkvt íe.
