“Ngà kà cv́n døng we kagǿ í gø shìlòng nø dvciq lvpat mvyv̀ng lú:ngò,”
Yh 8:51-59
Dèniò mòngkà taq “Ngà kà cv́n døng we kagǿ í gø shìlòng nø dvciq lvpat mvyv̀ng lú:ngò,”
wawe mòng kà svng tálún:ì we íe. Abraham nø Kàngpè Gvray svng yv́nglún bǿà nø vtang kèní dvbù we svng vtànò dvgvp Yuda vsvngrì dvdam vtiq shìe. Àngmaqí we kà svng tá mvsí:ngò. Yalòng nø kadø bǿn daq longe má? wanø̀ vzø̀nge. Welòng nø Kàngpè Yesu ò dvgùng svng vtànò we tvrà gø íe.
Kàgvp ànglí taq Gvray nø kagǿ íwe svng shá mvyǿ nø røt:nò dvgvp Gvrayí ” Ngà nø ngà ni ǿngàe” wanø̀ vtàn yv̀:ngà. Ngà ǿngàe wawe àng kà lajøm svng Yesu Kristu taqkèní gø vtàn ráà we íe. Abraham shi mv-vl dvgvp kèní ngà vv́l shaq ǿngàe wanø̀ vtàn ráà we íe. Yesu Kristu nø Kàngpè Gvray yv́ng kèní tuq ráì pègø íe. Kàngpè Gvrayí dvzv́r lú:ngà we lòngzàpè Gvray íe wawe lvjøm svng chvpdvp vtàn ráà we íe.
Wervtnø nøngmaq tiqgǿ vrv̀m gø vdèò kámnøt tvrà svng shvng shvng wa síngshá shì lúnlv́m rvtø̀ vrv̀m dvzaq shàì.
